R1137: gsung rab kyi drang ba dang nges pa'i don rnam par phye ba gsal bar byed pa legs par bshad pa'i snying po/ par rnying / mjug byang / {bod yig glog rdul dpe cha/}

  • Pagination (Witness A): 60b
[A:60b]dpal 'byor 'dzin/ /chab srid chos bzhin skyong ba'i khu dbon gyis/ /rnam bshad dpar du bsgrubs nas chos sbyin mdzad/ /de las byung ba'i legs tshogs ci mchis pas/ /skye dang skye ba'i tshe rabs thams cad du/ /mi khom gnas rnams ma lus rab spongs nas/ /dal 'byor rten la lam bzang sgrub par shog/ /phyogs bcu'i zhing du rgyal ba sras bcas kyis/ /rgyal ba'i sras kyi spyod pa ji snyed pa/ /gang zhig bsgrubs pa de dag bdag gis kyang/ /dus ring bsten la zhum pa med gyur cig/ /bsdu dngos bzhi dang pha rol phyin drug gi/ /thabs mkhas spyod pa ma lus rdzogs byed cing/ /dag pa'i zhing du rgyal ba rgya mtsho la/ /chos tshul ma lus nyan dang sems par shog/ / rnam bshad 'di ni gang dag 'dzin pa dang/ /tshul bzhin sems dga' chad par byed pa rnams/ /'jam pa'i dbyangs kyis mngon sum lung ston cing/ /stobs bcu mnga' ba'i go 'phang brnyes gyur cig/ /rgyal ba'i gsung rab ma lus pa la dbang bsgyur ba'i rgyal srid kyi dpal 'dzin cing/ yang dag pa'i rigs lam nas drangs pa'i gtsug lag mtha' dag gi don mngon dum mdzad pas/ gzhan gyi dring mi 'jog pa'i spobs pa dge/ de na/ rang dang gzhan gyi grub mtha' rgya mtsho'i pha rol tu byon pas/ zab pa dang rgya che ba'i don gyi yid bzhin gyi nor bu blangs nas/ gangs ri'i khrod kyi skye bo blo'i mig yongs su dag pa rnams la nye bar sbyin par mdzad pa srid zhi'i rgud pa sel ba'i sems dpa' chen po blo bzang grags pa'i dpal gyi bka' drin tshad med pa chos kyis gsab par bya ba'i phyir/ [-] dge ba'i sbyin bdag mi dbang nam mkha' bzang po khu dbon pas zhal ta dang/ mthun pa'i rkyen sbyar te/ rang rang gi rig byed la sbyang ba phul du byung ba dpar mkhan mkhas pa dge sbyong yon tan 'od dang/ sang rdor sogs kyis dpar brko ba'i rig byed pa bgyis shing/ shAkya'i dge sbyong bsod nams blo gros kyis zhus dag par bgyis te legs par bsgrubs pa 'di/ dpal ldan bla ma dam pas rjes su bzung zhing/ theg pa chen po'i chos kyi dga' ston gyi dpal la longs spyad de/ mthar kyi su sangs rgyas bcom ldan 'das kyi go 'phang mngon du bya ba'i phyir du yos bu'i lo zla ba drug pa'i dkar phyogs la/ bcom ldan 'das kyi chos kyi 'khor lo bskor ba'i dus khyad par can la dpal ldan 'bras spungs kyi sde chen du rdzogs par grub pa'o// //