R248: dpal ldan zhwa lu pa'i bstan pa la bka' drin che ba'i skyes bu dam pa rnams kyi rnam thar lo rgyus ngo mtshar dad pa'i 'jug ngogs/ {bod yig glog rdul dpe cha/}

  • Pagination (Witness A): 167
[A:167]nyan gyi rim pa'ang rgyun rin ba mdzad/ mkhyen rab rin po che sogs mkhas grub kyi slob ma mang du 'phel zhing bu lugs kyi bstan pa la phyag rjes che ba byung gda'/ rgyal dbang lnga pas kyang / chos kyi rgyal po bu ston chos kyi rje'i/ /gsung rab rin chen spel la rnam dpyod mchog /dpal ldan lhun gyis grub pa dge ba'i bshes/ /rje btsun bla ma'i zhabs la gsol ba 'debs/ /zhes bstod cing bsngags par mdzad la/ /phyi nang gi chos thams cad rmi lam sgyu ma lta bur thugs su chud nas 'jig rten chos brgyad kyis mi g.yo ba dang / stong nyid snying rje'i thugs dam zam mo la mnga' brnyes shing gzhan snang zil gyis gnon nus pa'i rnal 'byor gyi dbang phyug tu grags so/ / | Shar pa Ye shes rgya mtsho //gnyis pa ni/ lha sngags ye shes rgya mtsho shar chen pa/ /zhes kun mkhyen shar pa ye shes rgya mtsho dpal bzang po ni/ sku tshe mang po'i gong nas byang chub sems dpa'i spyod pa rlabs po che la goms pa'i stobs kyis/ dus 'dir skyes bu chen po'i mdzad pa'i 'os su gyur ba mtha' dag bdag gir bzhes te/ de yang sku gzhon nu'i dus nas brtsams te gzhi tshul khrims rnam par dag pa dang ldan zhing / thams cad mkhyen pa grags pa rgyal mtshan/ rin chen chos skyong 'phel kun mkhyen bsod nams 'phel sogs dang / khyad par du yang mkhas grub chen po zla ba dpal rin chen gyi thugs kyi sras dam par gyur nas gsang chen rgyud sde rgya mtsho'i mnga' bdag tu gyur/ de'ang rje 'di la bu ston bka' 'bum
'gro don spyod par dgongs nas shing pho spre'u lo la/ dge ba'i ltas bzang dang bcas te 'khrungs