R248: dpal ldan zhwa lu pa'i bstan pa la bka' drin che ba'i skyes bu dam pa rnams kyi rnam thar lo rgyus ngo mtshar dad pa'i 'jug ngogs/ {bod yig glog rdul dpe cha/}

  • Pagination (Witness A): 168
[A:168]sngags phyogs tshang ma thugs la btsud nas dpe la ltos mi dgos pa'i mkhyen rgya dang / spang rtogs kyi yon tan mthar phyin pa'i stobs kyis sems can gyi khams dang bsam pa ji lta ba bzhin du gzigs nas de'i skal ba dang 'tshams pa'i chos ston nus pa dang / dus lan gcig gzhis ka bsam 'grub rtse'i phyogs sgo ri zhes bya bar bzhugs pa'i skabs/ mkhyen rab rin po che mnal lam bzungs nas yo ga'i phyag len gyi dogs gcod mdzad par byon pas/ rje nyid kyis mkhyen nas dka' gnad rnams la phyag len spyan 'khrid kyi tshul du gnang zhing sgeg mo'i dbyangs slob par mdzad/ rjes su sku dngos su mjal ba dang / khyed la ngas rmi lam du bslab na'ang shes kyi 'dug gsungs te dpon slob gnyis ka'i sku che ba'i yon tan bsam gyis mi khyab pa'o/ Sojourn in dBus, invited by Grags pa 'byung gnas /de nas lha gzigs rlabs kyi gdung rgyud chos kyi rgyal po spyan snga grags pa 'byung gnas kyi dbu blar gdan drangs nas dbus phyogs su'ang rgyun ring ba bzhugs/ de'i tshe 'phags pa'i yul nas byon pas nang pa sangs rgyas lugs kyi paNDi ta tshad thug kyi rting ma dpal nags kyi rin chen la thugs dam gyi lhas bod du rgyal po zhig la brten nas sangs rgyas kyis bstan pa la bya ba byed par 'gyur zhes lung bstan gyis nye bar bskul nas bod du theng gsum phebs pa'i dang po gong ma grags pa rgyal mtshan gyi sku ring la byon yang chos bsgyur ba sogs kyi lo tsA ba med pas rten 'brel ma 'grig /bar pa la rgyal mkhar rtse'i bdag po rab brtan kun bzung 'phags