[A:64b]khyod la bar chad byed pas 'di ltar sgrubs shig gsungs nas mgon po'i sgrub thabs gsum/ bye brag tu 'phags yul du sngar ma grags pa'i sbags te bsgrub pa'i man ngag rnams dngos su gnang / gzhan yang sgrub thabs man ngag thams cad yongs su rdzogs par gnang nas/ rtag tu mi 'bral 'grogs pa ltar gyur to/ /'di'i skabs su sgrub thabs gsum gyi ngos 'dzin la/ dam pas mdzad pa'i lo rgyus kyi yi ger/ bram ze mchog sred kyis mdzad pa'i mgon po gri gug ma'i sgrub thabs che 'bring chung gsum gyi gzhung yod pa de yin par gsungs/ yar lung pa seng ge rgyal mtshan gyi gsung bgros la rje rtse mo'i lo rgyus kyi yi ger/ de la bod du 'gyur ba/ lo tsA ba chen po las brgyud pa/ bram ze chen pos mdzad pa'i gzhung gnyis yod gsungs pa las/ las kha tshar ba de bka' nub nas ma mthong / mthong ba 'di gzhung chung drag shos yin/ gzhan las tshogs du ma zhig snyan brgyud kyi man ngag tu byas te khyer byon nas