[A:199b]nam mkha' legs pa la yongs su rdzogs par gnang zhing / phal cher chos rje bla ma dam pa la yang stsal/ bla ma dam pas khu dbon gnyis ka'i zhabs la gtugs te bum pa gang byor gsan/ de la slob ma mkhas btsun bzang gsum dang ldan pa bsam gyis mi khyab pa byung ba las/ mgon po'i snyan brgyud thun mong ma yin pa rnams rin chen sgang pa rang gi sgos kyi dbon po bla chen kun dga' rgyal mtshan pa la gnang / des rang nyid kyi sras 'jam dbyangs chen po nam mkha' rgyal mtshan dpal bzang po la gnang / 'di slob dpon padma'i sprul par grags/ yab sras 'di gnyis kyis mgon po 'khor bcas mngon sum du zhal gzigs/ nus pa thon chos skyong gi bdag por byed/ 'jam dbyangs chen pos mgon po 'di'i chos skor la rtsal thon mdzad de/ yar lung pa seng ge rgyal mtshan gyi dbon po mkhan chen bsod nams rgyal mchog pa bsten nas srol 'di'i man ngag mtha'