[A:203b]nas zhal ngo gcig sa skya'i gdan sa mdzad pa dang / chos gzhan la ster ma phod pa 'dra yod pas nyan pa la byon gsungs pas/ yum thugs brel gyi g.yengs pa'i rkyen gyis/ zhal ngo yang ma phebs shing / phyag rtags kyi lan tsam yang ma byung ba la brten/ phyis rdo ring rin po che'i sku'i bsod nams lta bur byung ba yin zhes bla ma rnams gsungs te/ de yang rje btsun rdo ring pa chen po dbus phyogs na bzhugs pa'i mnal lam du dpal ldan sa skya nas yin zer pa'i g.yag nag khyi nag mi nag a tsa ra mang po byung nas/ khyod sa skya la 'gro dgos mi 'gro na gsod pa yin zer bsdigs pa'i rnam 'gyur du ma byed pa dang / khyed mi 'gro na 'di ltar byed pa yin zer nas phyag rdzas thams cad khur nas bar snang la 'gro ba sogs nub mang po'i bar du byung ba/ phyis bsam pas/ bdag chenarin po che'i thugs rjes chos skyong rnams bskul du btang bar 'dug