[A:343]pas kun gzhi gyong por byed/ chos zhu dus ma gtogs pa/ mi dang ma 'phrad par thugs dam rkyang pa byed/ rin po che pa sku ma gshegs par bka' lung phal cher phyag bzhes dang bcas pa zhus shing sgyer phu kho nar bzhugs/ sku gshegs nas gdan sa'i khur bab par mkhyen nas su la yang gros med du sngar gyi ri khrod du byon nas 'khor ma bskyangs/ dben pa mdzad pas lo mang du dben pa 'phel bar byung gsungs/ dus phyis nyan po gong mar dpon slob res gnyis res gsum byas pa lo shas mdzad nas/ re re gnyis gnyis mi brten kha med byung / nyams su longs pa/ phan thogs pa 'ga' re byung bas phyis nyan po gong ma bzung nas tshogs pa brgya lhag re 'dus/ ston dpyid gzhan brel dus bstan pa spyi'i rim gro la dmigs nas sgrub mchod dang / spyin sreg /sAtstsha/ gtor ma/ chos 'don/ sman bla/ mdo sgrub pa la sogs tshogs pa'i chos spyod ci 'grub re mdzad/ de las gzhan du mtshams las g.yeng ba bya sa med pas tshogs pa'i chos khrims shin tu dam/ de'i stobs kyis dbu mdzad dang / bgres po dang / gang zag rtog pa can ngo mtshar ba yang mang du bzhugs/ thag ring gi chos zhu rnams la yang / gnas tshang / gos stan/ bdag po la gang yod/ nang pa la nas dang / chu rdor/ rngod 'thag tshun chod byas nas sprod pa/ dge sbyong rkyang pa la bzhugs pas chog pas rnam thar gtsang /
gzhan yang bla ma dam pa de dbang gdams ngag rgya che la rnam par dag pa mang du mnga' bar 'dug na yang / bdag cag bla ma bsten yun thung bas zhib par ma mchis/ sku'i spyod pa so sor thar pa'i bslab bya 'dul ba las/ ji ltar bshad pa'i bslab bya rgyu tshogs dang bcas pa mkhyen cing nyes ltung phra bas kyang ma gos pa tha na sbyin len/ btung chu/ snga chab/ phyi chab ji lta ba bzhin du tshogs pa bying gis phyag len la theb pas kun spyod gtsang / khyad par bla ma dam pa nyid dus rgyun du stan gcig pa'i