[A:345]ba yang ba/ zo mdog bde ba/ spyan gsal ba/ snyan gsang ba yod na yang gdul bya rnams kyi bsod nams kyi skal pa de tsam las med pa dang / zhing khams gzhan du gdul bya dag pa la dgongs nas/ gnas skabs kyi rkyen grib cig gis byas te/ ngo mtshar ba'i ltas du ma dang bcas pa nas go drug pa la bde bar gshegs so/ /drug cu yan chad la dben pa kho na mdzad pas 'khor cher ma bsten/ dus phyis thugs dam la rtsal nus thon pa'i snyan pa/ sgos lam 'bras bu dang bcas pa'i brgyud thag nye ba/ nus pa thon pa/ slob ma khrid pa'i bogs 'don/ gegs sel la mkhas pa'i snyan pas stod mnga' ris nas/ smad mdo khams sgang gsum yan chad dge ba'i bshes gnyen che dgu kun gyis zhabs la gtugs nas gdul bya mang po smin grol la bkod pa yin no/ /yon tan mtha' yas bla ma'i rnam thar las/ /rgya mtsho che la skra rtsa'i chu tshod tsam/ /bdag gis brjod 'dis bdag sogs bla ma yi/ /rgyud kyis byin rlabs bla ma'i gnas thob shog /drin chen rtsa ba'i bla ma nyan chen po'i rnam thar cung zad rgyud la byin rlabs 'jug pa'i don du ratna sidhas bkod pa'o//