R95: དཔལ་ལྡན་ཞྭ་ལུ་པའི་བསྟན་པ་ལ་བཀའ་དྲིན་ཆེ་བའི་སྐྱེས་བུ་དམ་པ་རྣམས་ཀྱི་རྣམ་ཐར་ལོ་རྒྱུས་ངོ་མཚར་དད་པའི་འཇུག་ངོགས།

  • Pagination (Witness A): ༡༦༨
[A:༡༦༨]སྔགས་ཕྱོགས་ཚང་མ་ཐུགས་ལ་བཙུད་ནས་དཔེ་ལ་ལྟོས་མི་དགོས་པའི་མཁྱེན་རྒྱ་དང་། སྤང་རྟོགས་ཀྱི་ཡོན་ཏན་མཐར་ཕྱིན་པའི་སྟོབས་ཀྱིས་སེམས་ཅན་གྱི་ཁམས་དང་བསམ་པ་ཇི་ལྟ་བ་བཞིན་དུ་གཟིགས་ནས་དེའི་སྐལ་བ་དང་འཚམས་པའི་ཆོས་སྟོན་ནུས་པ་དང་། དུས་ལན་གཅིགགཞིས་ཀ་བསམ་འགྲུབ་རྩེའི་ཕྱོགས་སྒོ་རི་ཞེས་བྱ་བར་བཞུགས་པའི་སྐབས། མཁྱེན་རབ་རིན་པོ་ཆེ་མནལ་ལམ་བཟུངས་ནས་ཡོ་གའི་ཕྱག་ལེན་གྱི་དོགས་གཅོད་མཛད་པར་བྱོན་པས། རྗེ་ཉིད་ཀྱིས་མཁྱེན་ནས་དཀའ་གནད་རྣམས་ལ་ཕྱག་ལེན་སྤྱན་འཁྲིད་ཀྱི་ཚུལ་དུ་གནང་ཞིང་སྒེག་མོའི་དབྱངས་སློབ་པར་མཛད། རྗེས་སུ་སྐུ་དངོས་སུ་མཇལ་བ་དང་། ཁྱེད་ལ་ས་རྨི་ལམ་དུ་བསླབ་ནའང་ཤེས་ཀྱི་འདུག་གསུངས་ཏེ་དཔོན་སློབ་གཉིས་ཀའི་སྐུ་ཆེ་བའི་ཡོན་ཏན་བསམ་གྱིས་མི་ཁྱབ་པའོ། Sojourn in dBus, invited by Grags pa 'byung gnas །དེ་ནས་ལྷ་གཟིགས་རླབས་ཀྱི་གདུང་རྒྱུད་ཆོས་ཀྱི་རྒྱལ་པོ་སྤྱན་སྔ་གྲགས་པ་འབྱུང་གནས་ཀྱི་དབུ་བླར་གདན་དྲངས་ནས་དབུས་ཕྱོགས་སུའང་རྒྱུན་རིང་བ་བཞུགས། དེའི་ཚེའཕགས་པའི་ཡུལ་ནས་བྱོན་པས་ནང་པ་སངས་རྒྱས་ལུགས་ཀྱི་པཎྜི་ཏ་ཚད་ཐུག་ཀྱི་རྟིང་མ་དཔལ་ནགས་ཀྱི་རིན་ཆེན་ལ་ཐུགས་དམ་གྱི་ལྷས་བོད་དུ་རྒྱལ་པོ་ཞིག་ལ་བརྟེན་ནས་སངས་རྒྱས་ཀྱིས་བསྟན་པ་ལ་བྱ་བ་བྱེད་པར་འགྱུར་ཞེས་ལུང་བསྟན་གྱིས་ཉེ་བར་བསྐུལ་ནས་བོད་དུ་ཐེང་གསུམ་ཕེབས་པའི་དང་པོགོང་མ་གྲགས་པ་རྒྱལ་མཚན་གྱི་སྐུ་རིང་ལ་བྱོན་ཡང་ཆོས་བསྒྱུར་བ་སོགས་ཀྱི་ལོ་ཙཱ་བ་མེད་པས་རྟེན་འབྲེལ་མ་འགྲིག །བར་པ་ལ་རྒྱལ་མཁར་རྩེའི་བདག་པོ་རབ་བརྟན་ཀུན་བཟུང་འཕགས