R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:6b]yin/ mtshan dngos la saM bho Ta zhes bod bzang por 'chad pa yod kyang yi ge gsar rnying mang po na saM bho dra zer ba yod/ de'i [A:15]skad dod kun tu bzang po yin zhing / mkhan po 'di nyid kyis mdzad pa'i bstan bcos rnams la'ang kun tu bzang po'i rtsa ba brgyad pa zhes 'byung ba/ 'phags yul na'ang 'grel ba chos 'bangs dang / chos mchog la sogs pa bstan bcos kyi ming mdzad pa po las btags pa mang bas/ 'dir yang mdzad pa po las bstan bcos kyi ming byung bar gsal lo/ /'di ni rgyal po'i lung gis rgya gar du btang / paNDi ta brgya rtsa brgyad bsten/ khyad par du lha rig pa'i seng ge dang / bram ze li byin las mkhas par bslabs/ bod du chos mang po bsgyur/ bod yig brtsams/ 'jig rten gyi mig lta bur gyur pas lo tsA ba zhes pa'i thog mar byon pa yin no/ /de'i sras ma hA satwa/ de nas rim pa ltar/ ye nagnyi ma klong gsal/ ber nag can/ mon mo/ gtso bo lha sras/ 'di yan gyi la las dgung lo brgya lhag pa bzhugs pa'ang byung / bsod nams rgyal po/ rgyal po dga'/ rta mgrin rgyal mtshan
/ de'i sras dpon rdo rje bkra shis zhes pa'i bsod nams can zhig byung ba/ dpal sa skyar ti shri kun dga' blo gros rgyal mtshan dpal bzang po'i zhabs la gtugs/ bla ma de nyid[A:16]kyis rgya nag tu gong ma go dan thi mur gyi drung du mngags shing / gong mas du dben sha'i bya las chen po gnang bas rdor bkras du dben shar du grags/ de'i sras dpon bzhi 'dzom zhes 'jig rten gyi mes po lta bu de la gong ma mi'i dbang po grags pa rgyal mtshan gyis gzhis ka gong dkar gyi rdzong dpon bskos/
de'i sras rgyal ba shes rab ces pa'i mi'i skyes bu lha'i rnam dpyod 'dra ba zhig byung ba rnams dang /
da lta bzhugs yan gyi thu'i gdung rabs ji ltar byon pa rnams lugs gnyis ldan gyis mngon par mtho tshul zhib par ni tshul gnyis la mkhyen pa'i spyan