[B:62b]mthu ldan shog /
rgyal ba'i bstan pa dam chos bshad sgrub dang / /
bstan 'dzin rnams kyi sku tshe phrin las sgo/ /
skye dgu'i lhag bsam mos dang dge chos kun/ /
phan tshun 'gran pa bzhin du 'phel bar shog /
src: On Gong dkar chos sde monastery
khyad par bstan pa'i 'byung khungs rdo rje gdan/ /
mdo sngags chos kyi 'khor lo bsam yas 'di/ /
ji srid 'khor ba gnas pa de srid du/ /
lha mi'i bsod nams zhing du gnas par shog /
rgyal ba kun dngos khyab bdag rdo rje sems/ /
rje btsun 'jigs med dpa' bo'i ring lugs dang / /
phrin las mkha' khyab shing rta chen po 'dis/ /
sems can gcig kyang ma lus sgrol bar shog /
yangs pa'i 'jig rten khams kyi 'gro rnams kyang / /
nad mtshon mu ge'i rgud pas mi brdzi bar/ /
srid dang zhi ba'i bde [A:210]skyid ci yod pa/ /
de dag kun la rtag tu spyod par shog /
mdor na legs byas 'di dang gzhan du yang / /
rnam dkar bsod nams rgya chen bskrun pa dang / /
'khor 'das dge legs ji snyed yod pa'i mthus/ /
'gro kun rdzogs pa'i byang chub myur thob shog /
Author Colophon; B: ff. 62b4-63a2
ces rgyal ba thams cad kyi mkhyen brtse nus mthu gcig tu bsdus pa'i bdag nyid/ /dpal ldan bla ma dam pa khyab bdag rdo rje 'chang kun dga' rnam rgyal dpal bzang po'i rnam par thar pa ngo mtshar rin po che'i gter mdzod ces bya ba 'di ni/ /rje thams cad mkhyen pa de nyid kyi rigs kyi dbon lha sras mi'i dbang po mkhyen pa'i spyan dang byams pa'i thugs kyis yangs pa'i mnga' ris chos bzhin skyong ba'i sa'i dbang phyug dpon chen ngag dbang kun dga' bsod nams rgyal po'i bka' lung dang // // gzhan yang rje 'di nyid la mi 'phrog pa'i mos dad can gyi bshes gnyen dam pa mkhyen spyan yangs pa du ma'i gsung gis yang yang bskul ba la brten nas / rje btsun nyid kyi bka' 'bangs kyi tha chung du gyur kyang sku'i sridsri zhu dang zhabs 'bring yun ring du bgyid pa'i skal ba thob cing gsung gi cha shas [A:211]tsam gyis 'tsho ba rgya'i ban de byang chub dbang rgyal gyis/ /thun mong gi rnam thar las cha shas tsam glengs te sgro skur sogs kyi dri mas cung