[B:12b]tshe dpag med kyi bsnyen pa stong / 'jam dkar gyi sngags stong / mtshan brjod/ chos rgyal ma/ thub bstod/ ltung bshags/ sgrol mchod/ gtsug tor rnam rgyal gyi gzungs ring nyi shu rtsa lnga re/ gshed dmar bcu gsum ma'i bskyed rim dang / gtso bo'i bsnyen pa stong / 'khor rnams brgya re/ bde mchog dril bu lus dkyil dang / yi ge bdun pa stong / kye rdor yan lag drug pa lam dus rgyas pa dang bcas pa'i skabs skyabs 'gro yig brgya/ uShNI Sha/ a ShTa rnams brgya re/ bha ya na bdun/ de wa pi tsu stong / yum 'khor bcas brgya re dang / gzhan yang rgyas bsdus skabs dang
sbyar ba'i thun bzhi'i grangs tshang ba/ 'jigs byed dpa' bo gcig pa'i mngon rtogs dang / ya ma ra dzA/ hrI ShTi/ yama mAntamanta ka rnams sum brgya re/ phur pa'i yang snying lhan skyes dang / ki la ya stong / rnam sras ser chen dang / tshogs bdag dmar po gnyis kyi gtor bsngo'i skabs su so so'i sngags brgya re/ kye rdor/ bde mchog gi 'das gtor/ chos skyong gur zhal/ pu tra ming sring / mkha' 'gro spyi gtor/ gzhi [A:35]bdag gtor ma rnams kyi skabs su/ shA sa na sum brgya/ snying po stong / lha mo brgya/ zhal bzhi pa'i sngags ring brgya/ snying po stong / yum bcas brgya/ mon pa pho mo'i bod pa brgya re/ rbad bsad mtshon tsam re dang bcas pa'o/ / gtor ma brgya rtsa/ gshin rje dmar 'jigs kyi sgo nas drug cu pa las gshin dang bcas pa/ cha gsum/ mdo sgrub bdud zlog dang bcas pa/ za byed mkha' 'gro'i sbyin sreg brgya tshar/ seng gdong ma'i zlog pa/ lam 'bras phyag mchod rgyas pa/ byams smon/ rtsa ltung / tshar gsum khug pa/ nyal ba'i rnal 'byor rnams so/ /
'di rnams kyi nges pa ni/ rje nyid kyi gsang ba las kyang ches gsang ba'i tshul du zin bris gab yig lta bu'i phyag bris su btab nas yod pa re zhig sus kyang mngon du ma gyur/