[B:14a]la 'doms pa dang / /
'doms pa ji bzhin rang [A:39]gis legs sgrub pa/ /
legs pa'i lam gyi ston pa mtshungs pa med/ /
lus can phan bde'i khur chen snying rje yis/ /
snying stobs phrag par len brtson rgyal ba'i sras/ /
rgyal ba dgyes pa'i mdzad pas dus 'da' bas/ /
dus gsum kun tu 'brel tshad don dang ldan/ /
dad dang brtson pa'i ba gam rnam bkra shing / /
bslab gsum nor gyis bang mdzod yongs gang ste/ /
rnam dag chos kyi sbyin pa'i phyag rkyong bas/ /
'di na chos min dbul ba'i cha bral lo/ /
dpal ldan bla ma dam pa'i rnam par thar pa ngo mtshar rin po che'i gter mdzod las rnam par dag pa'i spyod pa rlabs po che mdzad pa'i skabs te drug pa'o/ /
CHAPTER 7: Studies under the tutorlage of various teachers; A: pp. 39-89; B: ff. 14a3-29a5; C: pp. 29-
bdun pa yongs su 'dzin pa bsten zhing gsung rab kun gyi bdag por gyur pa ni/
kun mkhyen rgyal ba'i gsang gsum las byung ba'i/ /
dga' chen rol mo chen pos srid gsum 'gengs/ /
rnam mang bdud las rgyal ba'i dpal yon gyis/ /
bzang po'i phrin las ba dan bsgrengs khyod rgyal/ /
rgya chen thos pa'i bag chags mthu brtas shing / /
grangs med yongs 'dzin mkhas pa'i zhabs bsnyen te/ /
zab yangs chos [A:40]kyi bdud rtsi 'doms mdzad pas/ /
rgya bod gsung rab kun gyi bdag por gyur/ /
bdag cag gi dpal ldan bla ma dam pa thams cad mkhyen pa/ thams cad gzigs pa/ thams cad la dbang 'byor ba de nyid sngon nas rgyud mar legs par sbyangs pa'i mthu dang / 'dir yang blo gros 'phel bar byed pa'i yi dam la bsnyen pas sad par byas te/ skyes sbyangs kyi mkhyen pa phul du byung zhing / yongs 'dzin dam pa rnams las bka' drin ji ltar nod pa'i tshul ni/
Condensed record of teachings Kun dga' rnam rgyal received from his spiritual teachers; A: pp. 40.8-84.2; B: ff. 14a7-27b4
src: The input of the following chapter is done on the basis of the published text (A); readings of the blockprint (B) are not indicated
Teachings from Brag thog chos rje
bla ma dam pa rnams kyi gtsug rgyan bka' drin mtshungs pa med pa rje btsun brag thog pa chen po bsod nams bzang po zhes yongs su grags pa/ phyi nang gi rgyud sde mtha' dag la mkhas