[B:24a]pa'i dkyil 'khor gsum dang bcas pa bzhi bcu rtsa brgyad rnams rgyud sde so sor phye ste/ dus rer bzhi phrag mar bskur ba'i lugs bzhin yongs su rdzogs par gsan pa mdzad cing / rje kun bzang rtse pa nyid kyis mdzad pa'i rdzogs phreng gi ngag 'don yang gsan no/ /
Empowerment into maNDalas of 21 TAra-s
'phags ma sgrol ma nyer gcig las rab tu dpa' ba'i sgrol ma/ zla mdangs sgrol ma/ gser mdog can gyi sgrol ma/ [A:72]gtsug tor rnam par rgyal ba'i sgrol ma/ hUM sgra sgrog pa'i sgrol ma/ 'jig rten gsum las rgyal ba'i sgrol ma/ rgol ba 'joms pa'i sgrol ma/ dbang mchog ster ba'i sgrol ma/ seng ldeng nags kyi sgrol ma/ mya ngan med pa'i sgrol ma/ 'gro ba 'gugs pa'i sgrol ma/ bkra shis snang ba'i sgrol ma/ smin par byed pa'i sgrol ma/ rab tu khros pa'i sgrol ma/ rab tu zhi ba'i sgrol ma/ chags pa 'doms pa'i sgrol ma/ bde legs sbyin pa'i sgrol ma/ rnam par rgyal ba'i sgrol ma/ sdug bsngal bsreg byed sgrol ma/ dngos grub 'byung ba'i sgrol ma/ yongs su rdzogs byed sgrol ma ste nyi shu rtsa gcig po re re la lha bcu drug res bskor ba'i bcu bdun ma'i dkyil 'khor nyer gcig so sor dbang bzhi yongs su rdzogs pa re gsan/
slob dpon ratna kIrtis mdzad pa'i sgo drug gzungs chog dkyil 'khor sgo nyis sbrag lha brgya dang sum cu rtsa gnyis kyi lha so so'i sku gsung thugs yon tan phrin las kyi rig pa gtad pa'i dbang gi cho ga yang gsan/ sman lha longs sku lha lnga bcu nga dgu'i dkyil 'khor du bya rgyud lugs kyi dbang / yang grub chen brgyad cu rtsa bzhi'i lU hi pa nas ye shes myu gu pa'i [A:73]bar gyi rjes su gnang ba/
yang rnam sras skor la/ rnam sras gsang sgrub ljang gu zhal gcig phyag gnyis pa/ yum gtsug phud dmar mo dang bcas pa'i rjes gnang / gar mkhan mchog ljang gu zhal gsum phyag bco brgyad pa 'brug la zhon pa lha brgyad ma/ mdung dmar can gsang ba gshin rje ltar sgrub pa lha bcu gsum/ mdung dmar can nang ma mo ltar sgrub pa bdud mo bzhi dang rgyal chen bzhis bskor ba lha dgu/ dreg byed nag po klu brgyad kyis bskor ba rnams kyi so sor rjes gnang / dpal dus kyi 'khor lo'i bsdus