R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}

  • Pagination (Witness B): 32a
[B:32a]kyi ngang du song ba byung zhing / yang kha'ur thegs pa'i tshe/ de snga gdung rgyud rtsod bral dang dam tshig can la chos skyong gi bsu chang du grags pa yong ba yin 'dug pa bzhin/ de dus dgun smad yin kyang kha'u gtsang po glo bur du 'ur sgra dang bcas te sngar gyi lam la mi shong ba tsam byung / skyes lhas rang du phebs te mchod gtor bskang gso rgyas par gnang dus/ brag gseb nas mi rkang gi sgra byin gyis thos pa byung bas/ thams cad skyi bung zhes byed de gcig gis gcig la lag pa [A:99]'ju zhing ngo mtshar bar gyur/ rje btsun dam pa nyid kyi brag sgo'i thad na gnyan gyi mgon po bram ze'i gzugs su sku phyed tsam gzigs shing phrin las ji ltar bsgo ba bzhin mdzad pa'i tshul bstan pa byung bar 'dug /lo mang sgrub pa byas pa'i khams pa zhig gis/ rje nyid sa chen du dngos su mthong ba'ang byung ste mi phyed pa'i dad pa stobs su gyur ro/ /
yang gnyan mgon zhal bzhi pa'i sgo nas gtor ma zhi drag gi cho ga gnam lcags 'bar ba thugs rtsom gnang / de dag gi phyag len rnams rgyas par 'dzugs pa gnang dus/ gtor chen gyi dpe kha cig tu gtor chen gyi dkyil 'khor zhal ma phye bar zhes pa/ gtor skyong gi dkyil 'khor yin zer bar 'dug pa la 'thad par ma mthong yang yi ge rnying par 'dug pas the tshom du gyur pa'i tshe/ 'di skad du/ gtor skyong 'jam pa dang gtor chen rtsub pa yin pas 'di gnyis tha dad du bya yi sbrel rgyu ma yin zhing / gtor chen gyi gtor ma dkyil 'khor gyi byang ngos su zhes pa rten gyi dkyil 'khor gyi byang ngos yin/ zhes pa rmi lam du lung bstan gsal por thob pas nges pa rnyed cing / chos 'di'i khungs btsun par gyur [A:100]pa yin no/ /'o na gtor chen gyi dkyil 'khor zhal ma phye bar zhes pa gang yin snyam na/ 'og gi chos 'byung dang bcas pa'i gtor chen nyid ma bshams pa'i cho ga'i bskul tshig rnams mi brjod