[A:6b]ཀྱིས།།
དུས་ཉིན་མཚན་འདས་པའི་མཆོད་བསྟོད་མཛད།།
གདུང་རིལ་པོ་གཅིག་པའི་ཡིད་བཞིན་ནོར།།
ལྷོ་འཛམ་བུ་གླིང་གི་བསོད་ནམས་ཞིང༌།།
དགོས་གངས་ཅན་མཆོད་རྟེན་སྙིང་པོར་བཞུགས།།
ཕ་བླ་མ་ཐམས་ཅད་མཁྱེན་པ་དེའི།།
དོན་རྣམ་ཐར་མཛད་པ་ཕྲིན་ལས་སྒོ།།
སྐྱབས་དུས་གསུམ་སངས་རྒྱས་ཀུན་དང་གཅིག།
དུས་ད་ལན་ཕྱོགས་རེའི་གཞན་སྣང་ཙམ།།
རང་སྐལ་མཚུངས་རྣམས་ལ་མངོན་དུ་མཛད།།
ཁོང་ཐོགས་མེད་དང་པོའི་སངས་རྒྱས་གཙོ།།
ད་མ་འོངས་འཁོར་བ་མ་སྟོངས་བར།།
རྗེ་ཁོང་གི་བཞེད་དོན་རྣམ་པར་ཐར།།
དུས་སྐད་ཅིག་བཏང་སྙོམས་མི་མངའ་བར།།
འཕྲལ་མཛད་པའི་ཚུལ་སྒོ་བསམ་མི་ཁྱབ།།
ཐུགས་མི་རྟོགས་དབྱིངས་ནས་ལྷུན་གྲུབ་འབྱུང༌།།
རྗེ་དེ་ལྟ་བུའི་ཡིད་བཞིན་ནོར།།
ཞལ་མཐོང་བ་དོན་ལྡན་རིན་པོ་ཆེ།།
གསུང་ཐོས་པ་དོན་ལྡན་རིན་པོ་ཆེ།།
ཐུགས་དྲན་པ་དོན་ལྡན་རིན་པོ་ཆེ།།
སྐུ་རེག་པ་དོན་ལྡན་རིན་པོ་ཆེ།།
བློ་གཏད་པ་དོན་ལྡན་རིན་པོ་ཆེ།།
གང་མོས་པ་དོན་ལྡན་རིན་པོ་ཆེ།།
སྤྱིར་འབྲེལ་ཚད་དོན་ལྡན་རིན་པོ་ཆེ།།
སྐྱབས་སངས་རྒྱས་ཞལ་དངོས་རིན་པོ་ཆེ།།
ལམ་དམ་ཆོས་འབྱུང་གནས་རིན་པོ་ཆེ།།
གྲོགས་དགེ་འདུན་ཀུན་གཙོ་རིན་པོ་ཆེ།།
ཕ་བླ་མ་རྗེ་བཙུན་རིན་པོ་ཆེ།།
དེང་གསོལ་འདེབས་བུ་སློབ་དེང་འདུས་ཀྱི།།
ངག་ང་རོའི་དབྱངས་ཀྱིས་རྒྱང་ནས་འབོད།།
སྙན་ཡེ་ཤེས་ལམ་ཡང་གཏད་དུ་གསོལ།།
ཡིད་གུས་པའི་གདུང་བས་གསོལ་བ་འདེབས།།
ཐུགས་མཁྱེན་གཉིས་ཀློང་ནས་བྱིན་གྱིས་བརློབས།།
ཁྱེད་རྗེས་