[A:2b]ཏོག་དཀར་ཇི་བཞིན་དུ།།
ཡུམ་བདེ་མའི་ལྷུམས་སུ་ཞུགས།།
དུས་དེ་ནས་ཡུམ་གྱི་མནལ་ལམ་དུ།།
དཔའ་གོ་མཚོན་ཐོགས་ནས་དགྲ་དཔུང་བཅོམ།།
ཉམས་བདེ་བས་སྐུ་ལ་ཁྱབ་པ་སོགས།།
རྟགས་དགེ་མཚན་བསམ་མི་ཁྱབ་པ་བྱུང༌།།
དུས་ཟླ་བཅུའི་རྟེན་འབྲེལ་ཚང་བའི་མཐར།།
ཡོངས་གནམ་ལོ་ཆུ་ཕོ་བྱི་བ་ལོའི།།
སྟོན་ཐ་ཆུང་སྨིན་དྲུག་ཟླ་བ་ཡི།།
ཕྱོགས་གཉིས་པའི་རྒྱལ་བ་དང་པོའི་ཚེས།།
ནམ་ཐོ་རངས་གཟའ་སྐར་ཕུན་ཚོགས་ལ།།
རྒྱན་མཚན་དཔེས་སྤྲས་པའི་རྒྱལ་བའི་སྲས།།
ཞལ་འཛུམ་འོད་འབར་བ་ཡོངས་སུ་བལྟམས།།
སྟེང་གཙང་རིས་ལྷ་དང་གནས་གསུམ་གྱི།།
དཔལ་དཔའ་བོ་མཁའ་འགྲོས་མཆོད་པ་ཕུལ།།
བོད་མུན་པ་སེལ་བའི་སྣང་བ་ཤར།།
ལྷ་ཕྱོགས་བཅུའི་སངས་རྒྱས་དབྱིངས་སུ་གྱེས།།
Youth
དུས་དེ་ནས་བསྙེན་བཀུར་མ་མ་སོགས།།
ཁོང་རྒྱལ་བུ་དོན་གྲུབ་བཞིན་དུ་བསྐྲུན།།
འཕྲལ་གཞོན་ནུ་རོལ་རྩེད་རྣམ་གྲངས་ཀྱང༌།།
ཆོས་ཐོས་བསམ་བསྒོམ་དང་འཆད་རྩོད་རྩོམ།།
རྟེན་དཀོན་མཆོག་མཆོད་དང་བསྟོད་པ་སོགས།།
དོན་རྣམ་པར་དཀར་བའི་ཕྱག་བཞེས་མཛད།།
མགོན་ཡི་དམ་ལྷ་དང་ཆོས་སྐྱོང་སོགས།།
འཕྲལ་དག་པའི་གཟིགས་སྣང་བསམ་ཡས་ཀྱང༌།།
ཐུགས་བརླིང་བས་མི་ཆེན་རྣམས་ཀྱིས་ཀྱང༌།།
ལར་བུས་པར་འཛིན་པ་ཀུན་དང་བྲལ།།
Teachings from Byams pa gling pa
ཡོང་དེ་ནས་མི་རིང་དུས་དགེ་ལ།།
རྗེ་ཁུ་བོ་ཐུ་བཙུན་ཐམས་ཅད་མཁྱེན།།
དཔལ་བྱམས་པ་གླིང་པ་ཆེན་པོ་སོགས།།
ཁོང་མཁས་གྲུབ་