[A:5a]།
ཤར་པུ་ཁཾ་དགེ་སློང་འདུལ་བ་འཛིན།།
ཁོང་མཁས་པ་ཨ་ལངྐར་དང༌།།
ཡོང་དྷི་པཾ་ཀ་ར་ལ་སོགས་པ།།
གནས་འཕགས་ཡུལ་མཁས་པའི་ཚོགས་རྣམས་ཀྱིས།།
ཞབས་གཙུག་ཏུ་བསྟེན་ནས་གུས་པར་བསྟོད།།
ལྗོངས་ཁ་བ་ཅན་གྱི་མཁས་པའི་ཚོགས།།
གཞུང་རབ་འབྱམས་སྨྲ་བའི་ཆོས་འཆད་དང༌།།
དཔལ་ཁ་ཆེའི་པཎ་ཆེན་གདན་ས་བཞི།།
ལག་འཕགས་སྡེར་བཅས་པའི་གཙོ་འཁོར་སོགས།།
ཡུལ་སོ་སོའི་སྡེ་དགོན་འཛིན་པ་ཡི།།
ཆོས་འཇིག་རྟེན་ལས་སྣེ་ཆེ་རྣམས་ཀྱིས།།
ཕ་རྗེ་བཙུན་ཞབས་པད་སྤྱི་བོར་བླངས།།
བཀའ་མདོ་སྔགས་ཆོས་འཁོར་དཔལ་ལ་སྦྱར།།
རྗེ་ལོ་ཆེན་ཏེའུ་ར་ཆོས་རྗེ་དང༌།།
ཁོང་སྐད་གཉིས་སྨྲ་བ་འགྲན་བྲལ་བའི།།
སྟོད་བོ་དོང་ལོ་ཙཱར་གྲགས་པ་དང༌།།
དཔལ་ཞྭ་ལུ་ལོ་ཙཱ་ཆེན་པོ་སོགས།།
ལར་ཞུས་ཆེན་ལོ་ཙཱ་རྣམས་ཀྱིས་ཀྱང༌།།
ཞབས་ཐོད་དུ་ཁུར་ནས་གསུང་བཅུད་བཞེས།།
ཕ་ཀུན་བཟང་རྩེ་པ་ལ་སོགས་པ།།
ཆོས་ཕྱི་ནང་རྒྱ་མཚོར་དབང་འབྱོར་བའི།།
རྗེ་མཁྱེན་སྤྱན་མངའ་བ་མང་པོས་ཀྱང༌།།
དབང་ཆོས་ལུང་གདམས་པ་རྒྱ་ཆེར་གསན།།
རྗེ་རྔོག་འབྲུག་རིན་པོ་ཆེ་ལ་སོགས།།
དཔལ་བསྒྲུབ་རྒྱུད་བསྟན་པའི་བདག་པོ་རྣམས།།
ཕ་ཀུན་མཁྱེན་ཞབས་པད་གཙུག་གིས་བཏུགས།།
ཆོས་ཟབ་དང་རྒྱ་ཆེའི་ལོངས་སྤྱོད་མཛོད།།
Connection to China
ཤར་རྒྱ་ནག་སྟོང་འཁུན་རྒྱལ་པོ་ཡི།།
ཁོང་བླ་ཡི་མཆོད་གནས་ཀུན་གྱི་གཙོ།།
དོན་ཆོས་རྗེའི་དབོན་དང་མི་ཆེན་སོགས།།
ས་ལོ་བར་མང་པོའི་ལམ་ལ་བགྲོད།།
ཇ་གོས་དར་མཆོད་སྤྲིན་ཡུལ་གྲུ་