[A:60a]/ /cing 'gro ba'i rgyud rnams smin par mdzad/
/chos tshul ma 'dres gsal bar rnam 'byed ldan sna tshogs su/
/bcom ldan smra ba'i dbang phyug thams cad mkhyen pa lus can gtsug na rgyal/
/mkhyen pa'i dkyil 'khor mkha' la rgyas pa'i mi shes mun pa'i tshogs bcom zhing/
/thugs rje'i 'od dkar phyogs bcur 'phros pas 'gro gsal bar mdzad/
/dpal ldan yon tan kun gyis rab brgyan dri med zla ba ltar dkar ba/
/mkhyen pa'i gter gyur 'jam pa'i dbyangs zhes bcom ldan gang de rgyal gyur cig/
/phyogs bcu'i zhing du rgyal ba sras bcas kun bzang mchod sprin sprin phung tshogs kyis mnyes byed cing/
/rgyal ba'i gsung rab ma lus 'dzin cing sna tshogs 'gro la sprul pa du mas dbugs 'byin mdzad/
/rgyal sras rgya mtsho'i tshogs kyi dbus su theg tshul ma lus gsal bar byed pa smra ba'i mchog/
/rgyal sras kun gyi mdzad pa ma lus gcig tu 'dzin mdzad mi pham mgon de spyi bos bstan/
/thub bstan nyin mor byed pa'i snang byed mchog/
/rtag chad ri bo 'joms pa'i rdo rje ste/
/skal ldan re ba skong ba'i dpag bsam shing/
/klu sgrub klu yi dbang pos dge legs stsol/
/ji snyed [-] shes bya'i don kun legs gzigs shing/
/rnam mang mdo sde'i dgongs pa 'byed pa la/
/sa gsum 'di na phul byung mdzad pa can/
/thogs med shes bya'i mkhyen ldan gang nga rgyal/
/rab 'byam zhing du rgyal ba sras bcas kyis/
/gdul bya'i dbang po khams du bsam pa yi/
/rim pas chos tshul ji snyed bka' stsal pa/
/drang dang nges pa'i mdo sde gnyis su nges/
/de don ji bzhin rnam [-] par 'byed pa la/
/rgyal bas mdo sder rnam grangs mang por yang/
/legs par bsngags pa'i rgyal sras klu sgrub dang/
/shing rta chen po dpal ldan thogs med kyi/
/tshul gnyis shing rta'i gzhung la zhugs nas ni/
/rigs pa'i stobs kyis 'phags rnams bgrod pa'i lam/
/legs par rnyed cing dpal ldan 'jig rten mgon/
/chos la spyan gyur rnams kyi gzhung las 'byung/
/klu sgrub [-] thogs med gnyis kyi gzhung lugs la/
/blo gsal mang thos mang du byung mod kyi/
yang dag rigs pa'i don la goms mdzad cing/
/gzhung mang 'chad dang sbyin sogs gtam rnams kyis/
/gzhan la phan dgongs rgyal ba'i chos rdzogs pa/
dpal ldan bla mas rgyal ba'i dgongs 'grel mdzad/
/'di mtshungs rnam bshad sngon chad ma byung la/
/slad nas byung na mtshungs med bla ma'i drin/
/rgyal ba'i [-] mdzad pa ring du gnas phyir dang/
/bstan bcos 'di yang blo gsal du ma yis/
/sde snod gsum la lta ba'i mig byed cing/
/mi 'dzin spobs pa'i nor de bsgrub pa'i phyir/
/
nam mkha'i khyon ltar yangs pa'i thugs mnga' zhing/
/bstan la dad pa'i lhag bsam bzang po dang/
/grags pa'i spo la tshogs gnyis dpal yon can/
/blo gros bzang pos tshul bzhin rnam 'byed dang/
/nor 'dzin
src: annotation on separate folio reads the following
ngag gi dbang phyug 'jam pa'i dbyangs dang ngag dbang lha mo dbyangs can ma// blo bzang grags pa'i bstan pa yongs rdzogs blo chen de yi nyi ltar gsal// bstan 'dzin khyed rnams 'gro la ma bzhin bstan 'gro'i don du mdzad phrin gang// rgya chen thugs smon gangga'i klung ltar rgya mtsho mkha' mnyam de la