[B:161a]lung bstan klu sgrub thogs med la//
rnam pa kun du dad pas phyag bgyid do//
'dzam gling ban chen kun gyi gtsug gi rgyan//
klu sgrub thogs med gnyis kyis phye ba'i lam//
ji bzhin bzung nas gdams pa mchog 'di nyid//
phyogs 'dir bstan mdzad a ti sha la 'dud//
blo bzang mkhyen pa'i 'od kyis shes bya yi//
sa chen gcig char khyab pa'i grags pa'i sgra//
skal bzang kun gyi rna ba'i dpal gyur pa'i//
bka' drin mnyam med brgyudrgyud par bcas la 'dud//
nor 'dzin sa yi lte ba rdo rje gdan//
de dang mtshungs par ra sa 'phrul snang gi//
dpal 'byor ma lus 'du ba'i pho brang ni//
ri dbang lhun po'ang zil kyis gnon pa nas//
skyes bu gsum gyi nyams su blang ba'i lam//
zab mo'i lta ba rgya chen spyod pa'i phring//
dpal ldan mar med mdzad kyi gdams pa mchog//
nyams su bzhes pa'i 'thun rkyen 'dzom pa des//
sngon bsags tshogs gnyis brlabs che bskrun pa'i mthus//
mtho ris yon tan kun ldan mngon mtho'i rten//
thob tshe phyi mar bde ba'i thabs tshol ba//
[A:9] gang de dam pa'i spyod par legs dgongs te//
rgyal ba'i gsung rab kun kyi gnad rnams kun//
gcig tu bsdus pa byang chub lam rim 'di//
spar du bsgrubs nas chos kyi sbyin pa yis//
mkhas pa'i tshogs kyi yid rab tshim par mdzad//
gang 'di dpal 'byor nor dang dpung gi tshogs//
'khor los bsgyur ba'i rgyal po la 'dran'dran pa'i//
mi dbang yab yum sras bcas sku tshe dang//
chab srid yar ngo'i zla ltar 'phel ba dang//
tshe rabs kun tu rje btsun tsong kha pas//
dgyes bzhin rjes su bzung ba'i bka' drin las//
gting dpag dka' ba'i chos tshul rgya mtsho la//
blo gros thogs med 'jug par bya phyir dang//
gling bzhi'i dbus na lhun po rab mdzes shing//
ma pham nyi ma rdo rje gdan spo la//
ji srid shar par ma gyur de srid du//
chos kyi mdzod 'di gnas par bya phyir yin//
bskos mkhan mkhas pa mon rdor ngag dbang dang//
dpal bzangs la swogs mkhas pa'i tshogs kyis gzabs//
phyi mo'i yig ge dge bsnyen don rgyal dang//
dag byed pa ni kun mkhyen pad ma bzang//
'di yi dge bas skye rgu thams cad kyi//