R126: chos kyi rje thams cad mkhyen pa rdo rje gdan pa chen po'i rnam par thar pa rin po che'i 'phreng pa/ {bod yig glog rdul dpe cha/}

  • Pagination (Witness A): 6b
[A:6b]kyis// dus nyin mtshan 'das pa'i mchod bstod mdzad// gdung ril po gcig pa'i yid bzhin nor// lho 'dzam bu gling gi bsod nams zhing // dgos gangs can mchod rten snying por bzhugs// pha bla ma thams cad mkhyen pa de'i// don rnam thar mdzad pa phrin las sgo// skyabs dus gsum sangs rgyas kun dang gcig/ dus da lan phyogs re'i gzhan snang tsam// rang skal mtshungs rnams la mngon du mdzad// khong thogs med dang po'i sangs rgyas gtso// da ma 'ongs 'khor ba ma stongs bar// rje khong gi bzhed don rnam par thar// dus skad cig btang snyoms mi mnga' bar// 'phral mdzad pa'i tshul sgo bsam mi khyab// thugs mi rtogs dbyings nas lhun grub 'byung // rje de lta bu'i yid bzhin nor// zhal mthong ba don ldan rin po che// gsung thos pa don ldan rin po che// thugs dran pa don ldan rin po che// sku reg pa don ldan rin po che// blo gtad pa don ldan rin po che// gang mos pa don ldan rin po che// spyir 'brel tshad don ldan rin po che// skyabs sangs rgyas zhal dngos rin po che// lam dam chos 'byung gnas rin po che// grogs dge 'dun kun gtso rin po che// pha bla ma rje btsun rin po che// deng gsol 'debs bu slob deng 'dus kyi// ngag nga ro'i dbyangs kyis rgyang nas 'bod// snyan ye shes lam yang gtad du gsol// yid gus pa'i gdung bas gsol ba 'debs// thugs mkhyen gnyis klong nas byin gyis brlobs// khyed rjes