R126: chos kyi rje thams cad mkhyen pa rdo rje gdan pa chen po'i rnam par thar pa rin po che'i 'phreng pa/ {bod yig glog rdul dpe cha/}

  • Pagination (Witness A): 4b
[A:4b]phul// stod gtsang phyogs mi chen thams cad kyis// zhabs pad ma spyir khur bka' bzhin bsgrubs// dpal zhwa lu snar thang la sogs pa'i// sde chen po'i tshogs pas mchod bkur phul// Visionary Experiences pha ras chen dpal 'byor bzang po la// khrid ne gu chos drug gsan pa'i tshe// nub bde ba can gyi zhing khams gshegs// mgon 'od dpag med la bka' chos gsan// gnas de na rin chen seng ge'i khri// stong lha rdzas gos kyis bkab pa gzigs// rje 'od dpag med kyi zhal nas kyang // khri 'di la khyod nyid 'byon rgyu yin// zhes rgyal ba'i lung bstan tshad ma thob// dpal yid bde tshal gyi dben gnas su// rje rnal 'byor dbang phyug birba pa// zhal dngos su gzigs nas de ka'i mod// sku snang brnyan ri mor phyag bris btab//
Disciples pha rje btsun thams cad mkhyen pa de'i// lar mkhas btsun snyan pas kun khyab ste// 'khon sa skya'i gdung brgyud dri ma med// rje bdag chen bsod nams rgyal mtshan zhabs// sku mched bcas rnams kyis zhabs la gtugs// gsung dam pa'i chos kyi dga' ston bzhes// bod gangs can dbus gtsang khams gsum dang // yul kong mon sa mtha'i bla ma dang // khong mkhas grub dge ba'i bshes gnyen tshogs// dbyar char sprin mkha' la 'du ba ltar// phyogs ris med grwa slob rgya mtsho 'dus// chos mdo sngags bstan pa ma tshang med// rang so'i bsam dbang bzhin du stsal// yul rgya gar shar phyogs paNDi ta// dpal lo kotta ra zhes bya dang /