[A:487] mi tra brgya rtsa ni dbang dang rjes gnang gang yin la dpyad gzhi 'dug kyang gsan/
bla chen mdo khams pa yon tan rgya mtsho la sa dge zhal gsum gyi 'jigs byed mkhan por grags pa rnams kyi rna ba'i spyod yul du ma gyur pa'i rdzogs rim ye shes mkha' 'gro'i rdo rje'i tshig rkang la brten pa'i rwa 'khrid mkha' 'gro snyan brgyud sogs zab chos du ma/ 'gos rdo rje seng ge la gshin rje gshed dmar po lha bcu gsum gyi rnal 'byor bzhi'i 'khrid/ rnal 'byor bzhi/ bdud rtsi'i lha mo nor 'dzin ma dkar mo/ 'khrul 'khor/ phyi'i byad rdzas/ rnam rtog 'od gsal 'pho ba rnams kyi byin rlabs/ de dag gi yig cha mang po'i lung / sgrub thabs brgya rtsa dang rgya mtsho'i rjes gnang lung / rdo rje 'phreng ba sogs kyi dbang lung / chos rje nyan chen par kye rdor bka' babs bzhi/ gsang 'dus lugs gsum sogs/ grub mchog sbyin pa rgya mtsho la skyes lhas pa'i zab chos sngar gsan bldabs pa dang phran bu lus pa'i rigs rnams zhu ba mdzad cing dag pa'i snang bar yang yang mjal ba yod 'dug /mthu stobs kyi dbang phyug drang srong dka' bzhi par gtso bor dpal rta mgrin yang gsang khros pa'i dbang lung man ngag thams cad gsan zhing dbang mdzad pa'i skabs khrag 'thung lha dgu'i ye shes kyi dkyil 'khor dngos su bstan ging lnga gza' gdong / gnod sbyin beg gdong lcam sring gi chos skor rnams kyang gsan/ chos skyong rnams kyi phyag nas bzung ste mi la mi sprod pa'i tshul du bran dang 'bangs su dngos