[A:63b]la chos skyong gnang / 'di'i skabs kyi slob dpon nag po'i ngos 'dzin la rjes 'brangs phal cher sgrub byed rnam dag med bzhin du rang gi blo bzo byed pa mang bar byung bas/ don 'di la dgongs nas rje tshar chen gyi mgon po'i chos skor gyi dri ba lhag bsam rab dkar las/ thog mar bka' babs rnam bzhi'i brgyud pa'i skabs/ /slob dpon chen po bram ze mchog sred kyi/ /pho rkyang rnam bzhi'i sgrub lugs gsan gyur pa'i/ /slob dpon nag po pa de'i ngos 'dzin ci/ /zhes gsungs pa yin la/ rang lugs ni/ rnal 'byor gyi dbang phyug birWa pa'i slob ma shar phyogs nag po pa nyid yin te/ rje sa chen gyi phyag bris dngos sgo rum dpe khang nas bdag chen rdo rje 'chang chen pos rnyed pa'i brgyud yig tu pho rkyang gi thog ma'i brgyud rim ni/ klu sgrub/ arYa de wa/ birWa pa/ nag po pa/ bram ze mchog sred/ ces 'byung ba dang / de dang mthun par mgon po sngon byung gi brgyud yig tu/ klu sgrub la