[A:191a] chen mo/ nag po mchod rten/ gzhan bskang gso chung ngu zhig dang gsum la dam pa'i bskang gso rgyas 'bring bsdus gsum gyi tha snyad mdzad nas them yig sogs gces spras che bar mdzad do/ /ding sang phal cher ni chos de sus byas dang / rang gi brgyud pa'i phyag srol la gang byed sogs rtog dpyod ci yang mi byed par/ byed mkhan su mang dang / lag tu dpe cha gang byung dang 'jigs rngams gang che ba zhig nyams su len par snang / bar skabs su 'phros pa'i gtam mo/ /gsum pa gtor bzlog gi rnam gzhag la dogs pa dpyad pa ni/ rje tshar chen gyi bzhed pas/ spyir sangs rgyas spyan nas brgyud pa'i mdos kyi bskang bzlog sogs yi ge tshad ldan la brten nas bla ma'i man ngag gis brgyan te/ bdag chen rin po ches mdzad pa'i mdos kyi bskang bzlog gi nang du/ de yang mgon po'i mdos kyis bzlog ces pa rnams/ de yang