[A:323]ལ་ནི་བྱིན་ཞེས་ཐོས༎
རྒྱལ་ཡུམ་མི་ཤེས་མཚོར་བྱིང་བ༎
རམ་དཔྱོད་ལག་པས་བཏོན་ནས་ནི༎
སྨྲ་མཁས་ལྕེ་བརྒྱའི་ཁྲིར་འདུག་པ༎
དེ་ཚེ་བརྒྱ་བྱིན་གྱིས་ཕྱག་བྱས༎
ཡང་གསང་ཕུ་ནེའུ་ཡི་ཐོག་དང། དེའི་ཡང་དབེན་རབ་ཏུ་མང་པོ་དག་ཏུ། སྔོན་སྦྱངས་པ་མཛད་པ་དང། ཕྱིས་ཆོས་ཀྱི་འཁོར་ལོ་བསྐོར་བའི་བདག་རྐྱེན་ནི། སྣེའུ་བ་དཔོན་ནམ་མཁའ་བཟང་པོ་སྐུ་མཆེད་དང། རྐོང་པོ་ཡོན་བདག་པོ་རྣམས་ཀྱིས་མཛད་དོ༎
སྐབས་དེར། གསང་ཕུ་ནེའུ་ཐོག་ཏུ་ཡུམ་རྒྱས་པ་རྗེ་ཉིད་ཀྱིས་མཛད་པའི་རྣམ་བཤད་ཀྱི་སྟེང་ནས་བཤད་པ་རྒྱས་པར་མཛད་པ་ན། མེ་ཏོག་གི་ཆར་ཟླ་བ་གཅིག་གི་བར་དུ་བབས་ཏེ། ཁྱད་པར་བརྒྱ་བྱིན་གྱི་ལེའུ་ཡི་སྐབས་སུ་མེ་ཏོག་གི་ཆར་ཧ་ཅང་ཆེ་བ་དང། འདབ་མ་བརྒྱད་ཡོད་པ་འགའ་ཞིག་གི་ལག་པའི་མཐིལ་དུ་སླེབ་མ་ཐག་ཏུ་ཞུ་བ་དང། འགའ་ཞིག་གིས་དེ་མ་ཐག་ཏུ་མིད་པ་དང། འགའ་ཞིག་གིས་ཟ་མ་ཐོག་གི་ནང་དུ་ཡུན་རིང་དུ་བཅངས་ཀྱང་མ་ཉམས་པ་བྱུང་ངོ༎
དུས་དེར་གཙུག་ལག་ཁང་གི་ཞིག་གསོས་བྱེད་པ་དང་ཐུགས་པས། རྗེ་ཉིད་ལ་མི་འདུན་པ་རྣམས་ན་རེ་བལྟས་ཁྱད་པར་ཅན་འདི་དག་གཙུག་ལག་ཁང་གི་ཞིག་གསོས་ཀྱི་མཐུ་ཡིན་ཏེ། སྔོན་རྭ་སྒྲེང་གི་གཙུག་ལག་ཁང་ཞིག་གསོས་བྱེད་པའི་དུས་སུ། ཡང་མེ་ཏོག་གི་ཆར་འདི་ལྟར་དུ་བབས་པ་ཤིང་བཟོ་བ་རྣམས་ལ་རྒྱུས་འདུག་གོ་ཟེར། དེ་ནས་དེ་ཉིད་ཀྱི་འབྲེལ་ཆགས་སུ་ངེས་པར་བརྟན་པའི་རྩེ་སྦྱོར་གྱི་ཐད་ཀྱི་མདོ་གསུངས་པ་ན། དབང་པོའི་གཞུའི་གུར་ཁྱིམ་རྗེ་ཉིད་ཀྱི་ཆོས་གྲྭའི་ཚད་དང་མཉམ་པར་ཕུབ་སྟེ་མེ་ཏོག་གི་ཆར་ལག་ཏུ་བཟུང་ཐུབ་པ་ཆོས་གྲྭ་དེ་ཉིད་དུ་ལྷག་པར་བབས་པས། མ་དད་པ་རྣམས་ཀྱི་ལོག་པར་རྟོག་པ་བསལ་ནས། དད་པ་ལྷག་པར་སྐྱེས་ཏེ། ཆོས་གསུང་པ་དེའི་འཕྲོ་རྣམས་རྫོགས་པར་ཉན་ཏེ།