[A:177]བཤད། རྗེ་དུས་ཞབས་པའི་གསུང་སྒྲོས་དཔེ་རིས་རྣམས་ཀུན་མཁྱེན་བུའི་ངེས་དོན་སྙེ་མའི་སྟེངས་སུ་སྦྱར་བའི་རྒྱས་བཤད་གནང། དཀྱིལ་འཁོར་བྲི་བ་ལ་དགོངས་པས། པཎ་ཆེན་དཔལ་ལྡན་ཚུལ་ཁྲིམས་པ་ངོར་ན་བཞུགས་པ་ལ་རྗེ་བློ་གྲོས་རྒྱལ་མཚན་པས་བཀའ་ཤོག་གནང་ནས་འབོད་མི་དང་ཆིབས་སུ་ཡང་གནང་ནས་ཕེབས། དེ་ཕྱིན་དུས་འཁོར་གྱི་ས་རིས་སྐོར་མགོ་སོགས་པཎ་ཆེན་དཔལ་ལྡན་ཚུལ་ཁྲིམས་པས་མཛད། དེར་ཤིང་ཕོ་རྟག་གི་ལོ་vc: 1494ཤར་བ་པཎ་ཆེན་རིན་པོ་ཆེ་དགུང་ལོ་རེ་བདུན་ཕེབས་སྐབས་དེར། རྗེ་བློ་གྲོས་པའི་དྲུང་ཞ་ལུ་རི་ཕུབ་ཏུ་ཆོས་རྗེ་མཁྱེན་རབ་པ་ལ་ཡོ་གའི་དབང་གསན་པ་ལ་བློ་བུར་དུ་ཕེབས་རྗེས། དུས་འཁོར་གྱི་རྡུལ་མཚོན་འདུ་ཁང་གསར་པར་བདག་གི་ཡོངས་སུ་འཛིན་པའི་བཤེས་གཉེན་མཁས་པའི་མཁས་པ་མཁས་མཆོགམཚོག་དཔལ་ལྡན་ཚུལ་ཁྲིམས་པའི་ཞལ་སྔ་ནས་ཀྱིས་ཕྱག་གཉིས་ཀའི་འཕྲུལ་གྱིས་ལེགས་པར་འབྲི་བ་གནང་བས། སྤྲུལ་སྐུ་བི་ཤྭ་ཀརྨའི་ངོ་བོར་གྱུར་པ་ནང་པ་སྨན་བླ་དོན་གྲུབ་པ་ཡང་ཐུགས་ཧ་ལས་པར་གྱུར་ཀྱང། མཚན་ཉིད་སྐད་ཀྱི་ཆགས་སྡང་མཁན་རྣམས་ཀྱིས་འཕྱས་འདོགས་པའི་ངག་ཚིག་སྒྲོག་པ་བྱུང་ངོ༎
དེ་དུས་དུས་འཁོར་བདག་པོ་ཆེན་པོའི་དབང་གི་མཐར་ཐུག་པ། རྒྱུད་འགྲེལ་ཡོངས་རྫོགས། གཞན་སེམས་འགྲེལ་གཉིས་དང་བཅས་པའི་བཤད་པ་མཐའ་ཆོད་གནང་རྗེས། ཉུང་བསྡུས་ལ་སྦྱོར་བ་ཡན་ལག་དྲུག་པ་གནང་བས། སློབ་དཔོན་ཚལ་པ་རིན་ཆེན་རྒྱལ་མཚན་པའི་དྲུང་སྔ་བར་བཞེངས་ནས་པཎ་ཆེན་རིན་པོ་ཆེའི་དྲུང་དུ་ཕེབས། ག་རེ་ངེད་ལ་མི་ཤིས་པ་ཨེ་ཡིན། དུ་བས་ནང་ཆུང་གང་བ་བྱུང་བས། བྱིན་རླབས་ཞུར་འོངས། ཞུས་པས། པཎ་ཆེན་རིན་པོ་ཆེས་བཞད་མོ་གནང། ངེད་རང་མཚན་ཉིད་པ་སྐམ་པོ་རང་ཡིན། དེ་ཐུགས་དམ་ལགས་མོད་གསུངས་པས། ཡ་ཅི་སོ་