[A:233]ཀློག་པ་པོ་དེ་ཁྱོད་ཀྱིས་བསྔགས་པའི་ཡུལ༎
ངེས་འབྱུང་ཡིད་ཅན་ངུར་སྨྲིག་གོས་ཅན་དག།
རི་དགས་དམན་པ་ཇི་བཞིན་པས་མཐར་གནས༎
འཚོ་བ་དག་ཅིང་ཅི་ཡང་མེད་འཆང་བའི༎
སྤོང་བ་པ་དེས་ཁྱོད་ཀྱི་ཞབས་པད་བསྟེན༎
མདོ་དང་ཚིག་དོན་ཟུང་འབྲེལ་འཆད་པའི་ངག།
ཁུངས་ལྡན་བརྒྱུད་པའི་སྲོལ་བརྒྱ་འབྱེད་མཁས་པའི༎
ཆོས་འཁོར་སོ་སོའི་གྲངས་ངེས་མ་འདྲེས་པར༎
ལེགས་རྟོགས་གང་དེ་ཁྱོད་ཀྱི་བསྟན་འཛིན་ཡིན༎
དེ་ལྟར་ཡང་ཡང་རྗེས་ལས་གང་བརྩམས་ནས༎
མང་དུ་བརྗོད་ལ་དགེ་ཚོགས་ཅི་མཆིས་པས༎
མཐའ་ཡས་འགྲོ་བའི་ལས་སྒྲིབ་ཀུན་སྦྱངས་ནས༎
ཆོས་ཀྱི་རྒྱལ་པོ་ཁྱོད་དང་མཚུངས་གྱུར་ཅིག༎
ཅེས་པཎྜི་ཏ་ཆེན་པོ་ཤཱཀྱ་མཆོག་ལྡན་དྲི་མེད་ལེགས་པའི་བློ་གྲོས་ཀྱི་རྣམ་པར་ཐར་པ་ཞིབ་མོ་རྣམ་པར་འབྱེད་པལས། ཡོངས་སུ་རྫོགས་པའི་སྐབས་ལས་བསྒྲགས་པའི་རབ་ཏུ་བྱེད་པ་ཉེར་བདུན་པའོ༎ ་༎
Colophon
དེ་ལྟར་པཎ་ཆེན་རིན་པོ་ཆེའི་སྐུ་ཆེ་བའི་ཡོན་ཏན་ཞིབ་མོར་བྲིས་པའི་རབ་བྱེད་ཉེར་བདུན་པ་འདི་ཡང་མ་བྱོན་པའི་སངས་རྒྱས་གསུམ་པ་ཁ་ཆེ་པཎ་ཆེན་ཤཱཀྱ་ཤྲཱིའི་གདན་སེང་གེའི་ཁྲི་ལ་མངོན་པར་རབ་ཏུ་མཐོ་བ། སྐྱེ་མེད་རང་གསལ་ཆོས་དབྱིངས་གདོད་མའི་མགོན་པོ་མངོན་སུམ་དུ་གཟིགས་པའི་མཁན་ཆེན་རིན་པོ་ཆེའི་ཞལ་སྔ་ནས་ཀྱིས་བཀས་བསྐུལ་བའི་དབང་ལས། སྙོམས་ལས་ཀྱི་བགྱི་བ་ཅུང་ཞིག་བསལ་ཏེ། གང་གི་བཀའ་མི་འགོག་པའི་སླད་དུ། གྲོལ་མཆོག་གིས་ཡི་གེར་བཀོད་པ་འདིས། བདག་སོགས་སེམས་ཅན་ཐམས་ཅད་རྒྱལ་བའི་བསྟན་པའི་གཞུང་ལམ་ལ་རྗེས་སུ་འཇུག་པའི་སྐལ་བ་མཆོག་དང་ལྡན་པར་གྱུར་ཅིག།
མངྒལཾ་བྷ་ཝནྟུ༎
ཤུ་བྷཾ༎