[A:231]go rim ltar bris pa 'di yongs su rdzogs par grub pa'o// //
paN chen nyin byed dga' ldan nub ri'i rtser//
dgongs pa bskyod po srin bu me khyer bdag//
ma las btsas pas skal med bdag gi mig
khyed sku mthong ba'i yul du ma gyur grang//
dad pa'i slong mos thos ldan phyug po'i sgor//
lo rgyus zas kyi rnyed pa bslangs pa'i cha//
rna ba'i snod du cung zad chags pa dag/
gdung shugs bkres pa'i nyams kyis gces par bzung//
grog mkhar sbrang rtsi dpe bzhin phra ba'i dngos//
rdul phran ma 'dres bsags pa'i tshig sbyor 'di//
cha shas yongs su gang ba'i zla ba ste//
rnam thar yongs kyi tshig don ku muta phye//
shin tu blo dman nyams chung bung ba'i rtsal//
rnam dpyod gshog sgrog bskyod pa'i stobs zhan yang//
rnam thar pad tshal rgyu ba'i rkang drug bdag/
lo rgyus sbrang rtsi'i bcud kyis lhag par tshim//
gang yang rang gi bla ma'i rnam thar rang rang mos dad 'dren byed gang//
gang yang mdzad pa'i legs byas rgya chen rgya mtsho'i nor bu nor mchog gang//
gang yang brjod pas zad par mi nus mi zad gter gyi bum bzang gang//
gang yang bsngags 'os yon tan rgyan phreng snyan tshig phreng du dngar ba gang//
'di ltar dam pa'i mdzad pa'i cha//
legs brjod bsod nams gzugs mchis na//
lhun po'i spo las yongs rgal te//
gling bzhi'i khyon du tshud pa min//
phal tshig dkyus su bris pa dag/
blo dman skye bos go ched de//
ma bsdams blun ngor brjod pa na//
smra po rang nyid phyugs dang mtshungs//
snyan ngag sdebs legs mngon brjod lang tsho ma//
rig gnas mkhyen pa'i yid kyi 'dod 'jo ba//
rnar snyan brjod tshig rab gtsang dag pa'i ngag//
mkhas mang yid kyi shing rta 'dren byed yin//
tshig grogs ma nyams don bzang