[A:230]las la 'khol//
sde pa sgar pa
don yod rdo rjes ku ru ku lle 'grub//
shAkya rgyal mtshan
'khon gyi gdung brgyud mkha' dbyings nyi ltar gsal//
mkhan chen blo brtan pa/ mkhan chen lhun grub bkra shis/ mkhan chen legs pa rin chen/ mkhan chen kun dga' dpal 'byor/ mkhan chen grags pa rgyal mtshan/ mkhan chen rin po che bkra shis rnam rgyal te mkhan rabs drug/
tshogs pa'i mkhan brgyud gser ri'i phreng ltar bsgrigs//
gling smad mkhan po kun dga' dag dpal 'byor sogs/
gzur gnas mkhas slob phyogs bcu'i rgyu skar 'dra//
che dgu'i bu slob bstod tshig rnga chen sgrog/
mtshan smos pa 'di dag ni mtshon byed tsam ste/ gang gi zhal slob/ yang slob rjes 'jug/ brgyud 'dzin dang bcas pa ji srid sangs rgyas kyi bstan pa'i rgyun dang lhan cig phrin las mchog gi bya ba chad pa med par chu'i rgyun lta bur gyur pa nyid do//
zhes paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las/ phrin las kyi 'khor lo rgyun mi chad pa'i skabs las rjes su bsgrags pa'i rab tu byed pa nyi shu rtsa drug pa'o// //
Chapter 27: yongs su rdzogs pa'i skabs
de ltar rnam thar snga ma gsum gdan bkod du byas ma zlos shing/ gang ma tshang ba'i thad khol du kha skong bgyis/ rang res 'bad rtsol drag pos paN chen nyid kyi zhabs la gtugs shing/ gsung gi bdud rtsi dngos su bzhes pa'i slob ma'i mchog bcu gnyis/ yang slob brgyud pa 'dzin pa bzhi ste/ dge ba'i bshes gnyen bcu drug gi drung du gang las brgyud pa'i dbang lung gdams pa'i sgo/ chos kyi rgyal po'i dpal gyi mgur las bka' stsal ba phal cher thob cing/ de skabs re re nas kyang rnam thar gyi zur mi 'dra ba'i cha phra ba thos pa kun kyang ma brjed par blo la gzungs su bsten pa dag so sor bkod/ dgung lo brgyad cu'i bar la hor kongs med cing dbu zhabs gtan ma log pa/ rgyu skar 'char ba'i