R991: paNDi ta chen po shAkya mchog ldan gyi rnam par thar pa zhib mo rnam par 'byed pa/ {bod yig glog rdul dpe cha/}

  • Pagination (Witness A): 232
[A:232]ljen pa can// smra ba po gang blun po las 'das mod// yi ge'i snang ba spro byed rmongs pa bdag// nam yang rang nyams mkhas pa'i khengs pa bral// cung zad las dkar dag pas yid bskul nas// chos phyir dka' ba'i khur bskyed phyogs mtha' nyul// rnyed grags khyad gsad khyod zhabs bsten pa'i bshes// gang dag zhal sgor dbang lung gdams pa nod// phyogs med phyogs bral phyogs 'dzin btang ba'i blo// phyogs mthong phyogs gcig smra ba'i phyogs byol nas// phyogs bcu phyogs kyi bshes gnyen phyogs gtogs la// phyogs tsam phyogs mtshungs phyogs las rnam par rgyal// khyod kyi gsung gi zegs ma phra mo yang// khyod la rjes bsams 'bad pas legs btsal te// khyod kyi rjes slob yongs la phan bskyed phyir// khyod kyi bstan pa'i khur chen snying nas blangs// kye ma snyigs ma'i dbang gyur pas// rang blos gzhal nas klan ka sgrog/ phyogs 'dzin rab rib mig ldongs pas// ji bzhin mthong ba'i yul ma gyur// 'di na gya tshom spyod pa'i 'gros can 'jig rten las snang mchor chas mkhan// chos ltar bcos pa'i tshul gyis rab dregs tshigs sgras bstan pa 'dzin brtson zhing// bslab gsum rgyan gyis chog par mi 'dzin 'bad pa'i las ro ba// bstan pa'i mig rkyen dman par gyur gang snying nas snying rje'i yul nyid lags// shAkya'i bstan 'dzin mchog 'di'i dgongs pa'i dbyings// tshul ldan mang thos spong ba lhur len pa// rab dul zhi zhing gsong por smra ba can// chos brgyad bral gang khyod kyi rjes slob yin// yongs rdzogs bstan pa'i gzhung lugs ma lus pa// gzigs pa rgya chen rang gzhan ma 'dres phyed// lung rigs dag pa'i sgron ma 'dzin pa can//