[B:361a]nas rje btsun tsong kha pa'i //
thugs dgongs rdzogs shing rdo rje theg pa'i lam //
phyogs dus kun du rgyas par bya ba dang //
sa la dbang bsgyur grags pas 'dzam gling khyab //
phas rgol bdud kyi dpung 'joms rgyal ba'i mchog //
bod khams chos bzhin skyong ba'i dge mtshan can //
mi dbang rgyal po'i chab srid brtan pa'i phyir //
bsod nams stobs kyis gzhan sde zil gyis gnon //
lhag bsam dag pas rang sde khrims kyis 'tsho //
gong ma'i bka' sgrub skyabs gsum gus pas bsten //
rnam bzhi 'dzom pa'i drung chen khu dbon gyis //
par du bzhengs pa'i yi ge'i zhus dag pa //
mdo sngags gzhung brgya gsal ba'i blo gros can//
bslab gsum rnam par dag pa'i chos rgyal dang //
mkha' spyod brnyes pa'i gdung brgyud sdom brtson mchog //
rgyud sde'i mangmnga' bdag rin chen dpal bzang yin //
mkhas pa'i phul byung nam mkha' bzang pos bris //
lag pa'i 'du byed bsgyur la 'gran zla bral //
rig byed 'dzin pa'i gtso bo skyabs pa dang //
dge bsam la stsogs mkhas pa rnams kyis brkos //
phun tshogs dpal 'byor gyis mdzes gu ru dang //
g.yu rung bsam bzang las byed rnams kyis 'bad //
Wish Verses
dge ba 'di yis 'gro ba ma lus pa //
rdo rje theg pa'i lam dang mi bral zhing //
phyogs dus kun tu lam gyi rim pa 'di'i //
bshad sgrub bstan pa ches cher rgyas par shog //
sbyin bdag khu dbon skye ba thams cad du //
in tra bhu ti zla ba bzang po ltar //[A:5]
sngags spyod rgyal po kho nar gyur nas kyang //
rdo rje 'chang gi go 'phang myur thob shog //
sku tshe 'dir yang mnga' ris thams cad du //
gtsug lag gnyis kyi 'byor pa rgyas pa dang //
'gal rkyen zhi zhing phun tshogs pha ma ltar //
byams pa'i sems kyis rtag tu gnas gyur cig //
ces rdo rje 'chang chen po'i lam gyi rim pa 'di pho brang gnyis pa gong dkar dpal gyi sde chen du zil gnon kyi lo chu stod kyis nyal ba'i gral tshes bzhi la legs par grub pa'o // //
'di yi ched du 'bad pa cher bgyis pa'i //
gzhon nu seng ge byang chub snying po'i bar //
dam chos ma lus rgyal ba'i dgongs pa bzhin //
rang gis nges nas gzhan la 'doms par shog //
maM ga lam bha wa tu //
rje bdag nyid chen pos lha ldan smon lam chen mo gsar 'dzugs mdzad skabs kyi sbyin bdag gras / sne gdong sde srid dbang grags pa rgyal mtshan nas / lho kha gong dkar gyi rdzong dpon du brkos pa dpon bzhi 'dzom zhes pa 'dis / rje rin po che sa phag lor zhi bar gshegs nas lo drug 'das pa zil gnon zhes pa me rta lor / rgyal tshab chos rjes dga' ldan du gdan sa skyong skabs dpar du bsgrunbskrun pa'o /
dj: annotation in khyug yig by another hand