[A:19a-227] / /gsol zhib legs po kham phyed tsam zhig phul byung bas/ skabs su bab pa'i bsnyen bkur ni/ bsnyen bkur phal dngos zla yin/ zhes pa'i kha gtam don dam pa byung ste/ de nas tshwa zhig lta gon mdzad/ zhib la thal byas gang bu dang la phug gi tshod ma'i dka' thub la brten pa/ rje btsun mi la ras pa'i dka' spyad la 'dran 'gran pa ltar/ bshar sbyang dang phug pa sbru ba bstun nas mdzad pa'i tshe/ dkon mchog gi thugs rjes/ phug pa'i sgo thon mtshams nas/ rdo skran sran gyi pha wong bong g.yag ro tsam zhig byung ba'i mtha' rnams sbrus te pha wong bcag pas sbru sla ba rang 'byon lta bu byung ba'i rdo zur don pa'i rjes/ bzad pa'i phug chung dang phan tshun 'brel ba byung ste/ phug pa legs par grub nas der bzhugs te gsan sbyong lhag par 'phel bas/ de ka'i mod la rang 'grel gyi tshigs don ma lus pa'ang thugs su chud/
phyis phug pa der su bzhugs kyang slob gnyer gzhan du lo zlar 'bad yabs blo bskyed che ba byin zhal mthun/
de nas gsol chas kyi sta gon la/ skyid smad bkra shis che na a ne cig bzhugs zhes snyan na bcags pa/ rtsad gcod du thegs pas/ a ne shin tu sgros shing spyan gnyis ka 'gribs pa zhig la/ bu gnyis kyang 'dug pa la thugs spobs sems bskyed de/ bdag
sil ma deng ra kha nas yin tshul gyi lo rgyus gleng mo byas