[A:༤༨༤]རང་གིས་གསོལ་བ་བཏབ་པ་མི་དྲན་པ། །ཨ་ཧོ་ལས་ཉོན་དབང་གིས་སྐྱེས་པས་ལན། །ཞེས་སོ། །སླར་རང་གི་བསྟི་གནས་སུ་ཆོས་སྒོ་བ་འཁྲུལ་ཞིག་བྱམས་པ་ཤེས་རབ་བཟང་པོའི་དྲུང་དུ་དཔལ་རྣལ་འབྱོར་གསང་མཐའ་འཁོར་ལོ་སྡོམ་པའི་སྐོར་གྱི་བཀའ་བབས་ཏེ་ལམ་རྫོགས་པར་གསན།
Volume of Protector Teachings from Tshe dbang bkra shis
མཐུ་སྟོབས་ཀྱི་དབང་ཕྱུག་ཐམས་ཅད་མཁྱེན་པ་འཇིགས་མེད་དཔའ་བོའི་ལུགས་འཛིན་པ་འབྲས་སྤུངས་པ་ཚེ་དབང་བཀྲ་ཤིས་ལ་རྗེ་བཙུན་གོང་མའི་ཡབ་མེས་འཁོན་རིགས་སྔགས་འཆང་རྣམས་ཀྱི་ཡི་དམ་ཀྱི་ལྷ་མཆོག་གི་དངོས་གྲུབ་འབད་མེད་དུ་སྩོལ་བ་དཔལ་ཆེན་པོ་ཁྲག་འཐུང་ཧེ་རུ་ཀ་ཡང་དག་ལྷ་ལྔ་བཅུ་རྩ་བརྒྱད་ཀྱི་དབང་དང་ཡིག་སྣ། བར་ཆད་བདུད་སྡེའི་གཡུལ་ལས་རྒྱལ་བ་བཅོམ་ལྡན་འདས་དཔལ་རྡོ་རྗེ་གཞོན་ནུ་ལྷ་ཁྲ་སྟོང་ལས་བྱང་ཆུབ་སྒྲུབ་པའི་དབང་བཞི་དང་སྨད་ལས་གདུག་པ་སྒྲོལ་བའི་རྗེས་གནང༌། མན་ངག་ཡིག་སྐོར། ཆོས་སྐྱོང་དཀར་བདུད་ཀྱི་རྗེས་གནང་ལས་ཚོགས། རྣམ་འཇོམས་བིར་ལུགས་ལྷ་དོན་ལྔའི་དབང་ལུང༌། གུར་གྱི་མགོན་པོ་གྲི་གུག་ལྷ་ལྔའི་རྒྱུད་ལུགས་ཀྱི་དབང༌། སིནྡྷུ་རའི་དཀྱིལ་འཁོར་ལ་བརྟེན་པའི་མན་ངག་ལུགས་ཀྱི་དབང་བཞི། ལྷ་བརྒྱད། ལྷ་བཅུ་གཉིས་མ། གྱི་ལྗང་ལུགས་ཀྱི་ལྷ་བཅུ་བདུན་མའི་དབང༌། དེ་དང་འབྲེལ་བའི་སྒྲུབ་སྐོར་སོགས་མཁས་གྲུབ་ཀུན་དགའ་རྣམ་རྒྱལ་གྱི་ཐུགས་དམ་མགོན་པོད་ཡོངས་རྫོགས། ཀླུ་སྒྲུབ་ལུགས་ཀྱི་མགོན་པོ་གདོང་བརྙན་ཅན་ཕྱག་དྲུག་པ་དང་ལས་བཞིའི་མགོན་པོའི་རྗེས་གནང༌། པར་བུའི་ཆོ་ག་སོགས་ལས་ཚོགས་ཁ་ཤས། སྨན་བླ་སྤྲུལ་སྐུའི་རྗེས་