[A:415] slar zhib dpyod rigs shing / mdor na/ sa lugs thams cad bka' 'bum brgyud lugs khog gcig las gyes tshul/ rang lugs ni gong du bshad pa ltar yin zhing / sgyi chu ba'i lugs ni/ theg chen chos rje/ chos rje kun dga' rgyal mtshan/ bdag po dpal ldan chos skyong / rje btsun mu srad pa sogs dang / ngor lugs kyang mkhan chen byang chub seng ge /shar pa ye shes rgyal mtshan/ rje ngor chen sogs so/ /'o na brag thog gsan yig sogs las/ gnyan phu ba kun rdor dang / sa bzang paN chen sogs 'dug pa rnams la don med do zhe na ma yin te/ de'ang mu srad pas brgyud rim nges pa rnams la rtags mdzad kyi/ ma nges pa gzhan yang / lung rgyun yod la rtags med pa mang du 'dug pas/ de dag las sa bzang sogs brgyud pa'ang yod thang bas/ thams cad dgongs pa mthun zhing ngo mtshar ba'i gnas su shes par bya'o/ /chos kyi rje rin chen rgya mtsho'i gsan yig na/ bla ma paN chen bsod nams mchog ldan la/ sa paN gyi bka' 'bum nas po ti dza dzha nya gsum dang / 'phags pa'i po ti Ta Tha Da Dha ste bzhi rnams dang / slar brgyud pa bsre ba'i phyir du bla ma paN chen nyid la ldab nas zhus pa'i brgyud pa ni/ 'jam dbyangs dbang phyug rgyal mtshan yan gong bzhin las/ de la 'jam dbyangs dpal ldan rdo rje/ rab 'byams dpal ldan don grub/ 'jam dbyangs dbang phyug rgyal mtshan/ bla ma paN chen la bdag rin chen rgya mtshos zhus/ yang / lugs gcig la| 'jam dbyangs byang dbang / sngags 'chang tshe bkras/ rab 'byams dpal grub bo| |brgyud pa 'di dag pa 'dra zhes/ chos rje nyi ma gling pa gsung zhes snang ngo / / brgyud lugs phyi ma dag pa ganggA'i chu rgyun na 'dug pas cung zad spros/ zhabs drung bla chen dang bla chen ye shes dbang po nas brgyud pa gzhan dang gzhan dag na rgyas par