[A:324]de lta na yang la la na re/ chos grwa 'di mkhan chen sangs rgyas dpal gyis chos gsungs pa'i sa yin/ khong la me tog bsgrub pa'i thabs gcig yod pa'i skad cha 'dug ces zer/ la la na re 'di 'dra bdud kyi bar chad yin pas rim gro chen po byed dgos so zhes zer mod kyi/ rgyal ba'i sras po phyir mi ldog pa'i sa thob pa 'di dag la lha'i bu'i bdud kyis bar chad kyi go skabs ga la yod/ de'i phyir bar chad med kyi steng du legs pa'i cha rnams gong 'phel du song ba thams cad kyis 'thun snang du grub pa yin no//
de las sogs pa'i snyan pa'i grags pa rnams ta'i ming rgyal po chen po'i snyan du gsan te/ hu thal rgyam zhes bya ba la sogs pa'i ta bzhin chen po rnams bsngags te/ rje nyid la rgya'i gnang sbyin chen po phebs so//
de yang 'di ltar/ bcom ldan 'das sman pa'i rgyal po'i gser sku khru gang pa gcig/ 'jam dpal gyis tshan yang dag par brjod pa na mtha' dag bcas pa/ rnam par rgyal ma'i gser gyi mchod rten ngo mtshar can gcig/ thang zhu legs po gcig/ la ngur kha'i snam sbyar rab tshad gcig/ sindhu ra'i mdog can gyi ber thul gcig/ 'jar 'ga' ta hun gcig/ gzhan gos phyi nang brgyad/ tshing khra sig gcig/ karma gan dkar gcig/ rten khebs ma Ni ma gcig/ tsan dan dkar po khru gang ba gcig rnams gnang nas/ rje nyid la bstod bkur bsngags gsum gyi phreng ba mdzad nas/ bstan pa'i khur chen po khyer shig ces pa'i 'ja' sa gnang ngo//
sngon theg chen chos kyi rgyal po gong na bzhugs pa'i tshe/ rje nyid la rgya'i yul du me tog ldung ra ces bya ba'i chos sde'i chos dpon du spyan 'dren pa byung zhing/ de'i tshe thegs pa'i grabs mdzad nas spyir gsang sngags dang/ khyad par yo ga'i gar thig dbyangs gsum la mkhas par sbyangs so//