[A:40]'phral rang snye thang chos rdzong rang du yongs nas/ ka lA pa'i sa ris dang/ sdebs sbyor rin chen 'byung gnas/ mngon brjod a ma ra ko Sha/ snyan ngag me long sogs rig gnas sna ma chad pa'i bslab sbyangs 'jur ba rang byas pa'i sa ris dang snyan ngag gi rgyugs len kun de sras lo tsa ba blo gros dbang phyug pas gnang zhing/ paN chen blo brtan pa'i gsung las/ dge bshes kyi gzengs de rig gnas rang gis phyed pa yin/ khong la la'i phar phyin gyi brgyud 'debs byas 'dug pa'i dpe 'di tshor 'khyar byung ba la/ gnyal zhig pa la/ dmyal sogs 'gro ba'i sdug bsngal zhig mdzad pa// zer ba'i yi ge'i brda tsam la yang gzhig pa ma chug pa'i rtsom pa rang gzhan ngo tsha ba 'dug go//
ding sang sngags pa kun yig brgya 'dren tsa na mar me munydza zer ba la A lo ke 'di la e zer ba yin/ ma me munydza bdag ma btang bya ba don du rdo rje sems dpa' shes yin/ yongs khyab bla ma mkhyen zer ba 'di yang/ don du bla ma shes ka yin/ sarba dznyA bya ba thams cad mkhyen pa dang kun mkhyen gang bde yin pas/ shong 'gyur du kun mkhyen ye shes 'byung/ gsar 'gyur du thams cad mkhyen pa ye shes bya ba bsgyur/ gnyis ka'i skad dod/ sarba dznyAr mthun pa lags/ 'ga' re bde mchog la rin po che'i rgyan mi phyed zer ba/ bde mchog la ratna mu ku Ta mi zer ba e yin gsung/ 'di rnams bdag gi bla ma paN chen dpal ldan tshul khrims pas paN chen rin po che la sgra gsan dus bka' stsal du gnang ba'i gsung dag ma nyams pa yin no//
de lo ka lA pa'i ming le yan dang/ rig gnas phran bu de rnams rdzogs par song zhing/ de dus snye thang bde ba can pa'i slob dpon khams pa cig kyang lhan du nged dang mnyam por yod pas/ snyan ngag me long gi ngag slob la/
mchu ni dmar zhing