[B:20a]la sogs pa snyan dngags kyi bstan bcos dang / rin chen 'byung gnas la sogs pa sdeb sbyor gyi bstan bcos dang / dpal dus kyi 'khor lo'i rgyud 'grel cha lag dang
bcas pa la thos bsam dpyis phyin pa mdzad pa'o/ /
Teachings from Dus zhabs pa Don grug kun dga'; A: pp. 58-59
yang dus kyi 'khor lo phyi nang gzhan gsum gyi don la shin tu mkhas pa dus zhabs pa dpal don grub kun dga'i bka' drin las/ bde mchog sbyangs pa'i yon tan rdo rje mkha' 'gro'i dbang / bde mchog sdom 'byung gi 'grel pa padma can gyi lung / dpal dus kyi 'khor lo'i sku gsung thugs yongs rdzogs kyi rdul tshon gyi dkyil 'khor du dbang yongs su rdzogs pa/ de'i rgyud 'grel gyi bshad pa/
khyad par rtsis kyi skor la 'bur du dod pa'i legs par [A:59]bshad pa'i sgo nas mthar phyin pa'i mkhyen pa gang bar mdzad/ mdo ting nge 'dzin rgyal po'i 'grel pa grags pa'i phreng ba zhes pa slob dpon 'jam dpal grags pas mdzad pa'i lung / gro lung pa blo gros 'byung gnas kyi bstan rim chen mo'i lung rnams so/ /
Teachings from Vanaratna; A: p. 59
yang rgya gar shar phyogs satna ga ra'i paNDi ta chen po nges par mchog gi dngos grub brnyes pa dpal nags kyi rin po che'i drung du yang / dpal dus kyi 'khor lo'i sku gsung thugs yongs su rdzogs pa'i rdul tshon gyi dkyil 'khor du dbang bzhi yongs su rdzogs pa/ dpal 'khor lo sdom pa lU hi pa'i lugs kyi rdul tshon gyi dkyil 'khor du dbang bzhi rdzogs pa/ rdo rje phag mo zhal gnyis ma'i byin rlabs/ mgon po phyag bzhi pa'i rjes gnang / tshe dpag med lha dgu'i dbang / mtshan brjod phan yon dang bcas pa/ bzang spyod dang sgrol ma rnams kyi lung / byang chub sems bskyed rnams legs par gsan no/ /