R1: chos kyi rje thams cad mkhyen pa rdo rje gdan pa chen po kun dga' rnam rgyal dpal bzang po'i rnam par thar pa ngo mtshar rin po che'i gter mdzod/ {bod yig glog rdul dpe cha/}
[B:33a]zhal gzigs/ de dag rje ras chen nyid kyis mkhyen te/ bstod bsngags dpag tu med pa mdzad pa dang / slar [A:102]thugs dam gtor ma la thugs rtsis che ba'i cung zad re bzhes pa sogs kyang gnang /gzhan yang rje nyid kyi tshems zhig byon pa lha sras rnam par dkar ba'i thugs brtan zhing mthu stobs kyi dbang phyug lha dbang kun dga'ི mos pa'i rten du bzhugs pa la bcom ldan 'das mgon po tshe dpag med kyi sku 'bur du dod pa ngo mtshar ba las kyang ches ngo mtshar ba zhig byon pa dang /
yang tshems gcig thugs sras kun dga' rgyal po la byin rlabs kyi rten du spos shel gyi bum pa sogs rin po che sna tshogs kyi mchod sdong gi nang du bzhugs su gsol yod pa la/ nam zhig na ring bsrel kha dog sna tshogs pa zhag re la'ang cher 'phel bas bum pa'i gnas dog pa tsam gyi ngo mtshar bar gyur pa'i tshe/ smyug la chos rje ngag dbang pas de nyid la bsngags pa'i bstod tshig dri med dad pa'i spu long g.yo byed ces pa'i snyan ngag phul zhing / khong rang gi phyag na yang tshems gcig snga nas yod pa la/ gzhan du 'di 'dra ba'i ngo mtshar 'byung na bdag cag gi dad pa'i rten la ci'i phyir mi 'byung ste/ pha bla ma de'i thugs rje'i gzigs pa la phyogs ris mi mnga' ba'i phyir [A:103]zhes gsol ba ched du btab pa la ring bsrel mang du phebs pa yang byung ngo / /yang rje nyid kyi thugs dam gyi mdo 'dzin spos shel las grub pa gcig gi bug pa'i nang du khyab bdag rdo rje 'chang gi sku stod g.yogs dang bcas pa'i rang byon phyi nas shin tu gsal bar mthong ba zhig byon pa la/ slar smadrmadrmad rten dang tog gi tshul gyis spras te bzhugs par byas pa sogs ngo mtshar ba'i gnas mang ngo / /mdor na dkyil 'khor kun gyi gtso bor nges te/