[B:33b]yi dam gyi lha so so'i bskyed pa'i rim pa la gnas dus/ de dang de'i sku mdog dang rjes su mthun par zhal gyi dkyil 'khor gyi mdangs 'gyur ba ni mngon sum mo/ /
yang mdo mang gi lung gnang ba'i skabs shig tu nam mkha' la yang yang gzigs shing gus pa'i tshul mdzad pa na/ me tog gi char cher bab/ thugs brling zhing zab pas bka' mi bstsal yang / de dus sangs rgyas byang sems sogs kyi gzigs snang byung bar gor ma chag go/
gzhan yang gsung chos kyi gnas skabs 'gar me tog gi char dngos su bab pa ni bgrang ba las 'das/ de yang rgyud sde rgya mtsho'i nges gsang las byung ba'i lam gyi rim pa ji [A:104]ltar bzhin du thugs nyams su bstar bas/ de dag gi 'bras bu'i rim pa yang mngon sum du 'gyur ba chos nyid yin la/ de las gdul bya las snang so so'i skal mtshungs rnams kyi snang ngor cung zad tsam brjod pa yin gyi/ gsang chen dam pa sogs ni blo dman pa dang / ngag gi yul du mi 'gyur bas so/ /
gzhan yang chen po 'ga' zhig ltar/ rang gzhan gyi phyogs 'dzin pa'i ched du las sbyor dang gtor ma'i las mi gnang yang / yul tshang ba la lar mngon spyod kyi las mdzad dus/ gtor ma 'phrig cing me 'bar ba dang / gtor lam la me 'ur sgra dang bcas te 'gro ba thams cad kyis mngon du gyur cing / de dang mthun pa'i rtags kyang yun mi ring bar byung ba dang / la lar ni me dngos su 'bab pa byung zhing / deng sang yang dus gtor sogs kyi skabs su gtor lam gang yin la me 'gro ba ni mthun par snang ngo / /mdor na sangs rgyas kyi bstan pa la 'dzin skyong tshul bzhin du mdzad pas bstan srung bran du 'khol ba chos nyid yin pa dang / nor lha gter bdag la yang mnga' brnyes pas/ srid kyi mnga' ris khyon chung yang 'dod dgu'i [A:105]dpal 'byor je 'phel dang / bsam pa dang gzhal ba'i