[B:34a]yul las 'das pa'i mi 'dzad pa nam mkha' mdzod la mnga' brnyes pas gter sgo phye ba'i tshul gyis/ khyad par dpal rdo rje gdan gyi gtsug lag khang rten dang brten par bcas pa la mchod pa'i sprin phung so sor/ rgyud sde gong 'og gi dbang gisgigi/ cha lag dang bcas pa rnams rgyal ba longs sku'i zhing khams dpal kun tu bzang po'i mchod sprin gyis brgyan pa lta bu/ srid gsum na 'gran zla dang bral ba 'di nyid 'bad pa chung ngus ring po mi thog par grub pa nyid do/ /
de'i gnas skabs su yang khyams chen ka ba drug cu rtsa bzhi/ gtsang khang sogs dang bcas pa rnams mtshal khaka mthing gdung gnang ba'i dgongs pa gtad pas/ las 'dzin bzo rig dang bcas pa rnams blor ma chud par gyur pa na/ yar 'brog gi khang nyer mtshal kha brdol te mnga' ris rgyal mo zhes pas mtshal rkyal bu mang po phul zhing / chu bo rir mthing spang yang glo bur brdol ba dang / yang logs bris kyi skabs su tshon gzhan phal cher rdzogs/ li khri 'dzad par gyur pa cung zad snyan du lhon pa na/ de lta bu'i ngal ba byed mi [A:106]dgos ji zhig na 'ong zhes bka' bstsal/ de dang nye bar dzo gi mang pos li khri bres bcal chog pa tsam khyer byung ba sogs kyis thams cad ngo mtshar zhing / las byed pa rnams kyang spro bar gyur to/ /des na srid zhi'i phun tshogs gang dang gang thugs la bzhed pa zhig thugs kyi 'dun pa sngon du btang na gang yang mi 'grub mi srid de/ nang rlung sems gnyis la brtan pa thob/ phyi snang ba yul rnams dbang du 'dus pas nam mkha' mdzod la mnga' brnyes pa'o/
/smras pa/
theg pa'i lam rim so sor bgrod kyang 'bras bu gcig tu mngon du gyur/ /
gnyis su med pa'i 'dzin pa spangs kyang gzhan snang sgyu ma'i rol rtsed tsam/ /
'gro la bu gcig lta bur brtse yang bstan pa'i ru tra mthar mdzad pa/ /
brkam chags 'ching ba'i mtshan ma grol yang 'dod dgu'i longs spyod char bzhin 'bab/ /
gsang chen sngags kyi theg lam rgya mtsho yi/ /
gting zab