[A:3b]མཁྱེན་པ་དང༌།།
ཕ་བྲག་ཐོག་ཆོས་རྗེ་ཁུ་དབོན་དང༌།།
རྗེ་པཎ་ཆེན་ནགས་ཀྱི་རིན་པོ་ཆེ།།
ཆོས་གསང་སྔགས་རྒྱལ་མཚོའི་མཐར་སོན་པ།།
ཁོང་རྡོ་རྗེ་སློབ་དཔོན་རིན་པོ་ཆེ།།
དཔལ་ཡེ་ཤེས་རྒྱ་མཚོའི་ཞལ་མངའ་དང༌།།
བཀའ་འགྱུར་རོ་ཅོག་གི་བདག་པོ་མཆོག།
རྗེ་ཤཱཀྱ་རྒྱལ་མཚན་ཆེན་པོ་དང༌།།
རྔོག་ལོ་ཙྪའི་གདན་ས་པཎ་ཌི་ཏ།།
རྗེ་དུས་ཞབས་ལོ་ཆེན་ཤེས་རིན་ཞབས།།
གཞུང་རབ་འབྱམས་བསྟན་བདག་རྫོང་དཀར་བ།།
ཡུམ་རྡོ་རྗེ་ཕག་མོའི་ཡབ་གཅིག་པོ།།
ལྷ་བདེ་མཆོག་འཁོར་ལོ་གྲུབ་པའི་ཚུལ།།
ཕ་རས་ཆེན་དཔལ་འབྱོར་བཟང་པོ་དང༌།།
རྔོག་བྱང་ཆུབ་དཔལ་བ་ཁུ་དབོན་དང༌།།
དུས་སྙིགས་མའི་རྒྱལ་བ་རྡོ་རྗེ་འཆང༌།།
དཔལ་སྤྱན་སྔ་ཞྭ་དམར་ཅོད་པཎ་ཅན།།
རྗེ་མཆོག་གི་སྤྲུལ་སྐུ་རིན་པོ་ཆེ།།
དཔལ་ཀུན་བཟང་རོལ་པ་ལ་སོགས་པ།།
ལར་མཁས་གྲུབ་བླ་མ་མང་དུ་བསྟེན།།
ལར་སངས་རྒྱས་བསྟན་པ་མ་ཚང་མེད།།
ཡོང་ཕྱི་ནང་ཆོས་ལ་ཐོས་བསམ་མཛད།།
ཁོང་མཁས་པའི་གྲགས་པས་སྟོང་ཁམས་ཁྱབ།།
སྐུ་བཙུན་པས་མཐོང་ན་མི་མཐུན་མེད།།
Founding of Gong dkar chos sde
ཐུགས་བརྩེ་བས་ཀུན་ལ་བུ་བཞིན་བསྐྱོངས།།
གསུང་ནུས་མཐུས་ལྷ་སྲིན་བྲན་དུ་འཁོལ།།
སྐྱབས་ཤཱཀྱ་དབང་པོའི་བསྟན་པ་ལ།།
ཆོས་མི་ནུབ་རྒྱལ་མཚན་བསྒྲེང་པའི་ཕྱིར།།
དཔལ་རྡོ་རྗེ་གདན་གྱི་ཆོས་སྡེ་བཏབ།།
རྟེན་བརྟེན་པར་བཅས་པའི་དཀྱིལ་འཁོར་ཆེ།།
བོད་འགྲན་ཟླ་བྲལ་བའི་གཙུག་ལག་ཁང༌།།
དཔལ་ཀུན་བཟང་མཆོད་སྤྲིན་བཅས་པ་བཞེངས།།
ཡོང་མདོ་སྔགས་རིག་