[A:4a]གནས་བཅས་པའི་ཆོས།།
དོན་མ་ཚང་མེད་པར་འཛིན་མཛད་པའི།།
ཁོང་བློ་གསལ་དགེ་འདུན་སྟོང་ཕྲག་བསྡུས།།
འཁོར་རྒྱ་མཚོ་ལྟ་བུའི་ཚོགས་པ་ལ།།
ཆོས་ཕྱི་ནང་ལུང་རྟོགས་ཆར་ཆེན་ཕབ།།
ཁོང་བསྐལ་བཟང་བྱང་ཆུབ་ལམ་དུ་བཅུག།
ལྷོ་འཛམ་གླིང་མཁས་གྲུབ་སྡེ་ཡིས་ཁྱབ།།
ཆོས་མདོ་སྔགས་ཕྱག་བཞེས་རྣམ་པར་དག།
རྗེ་བརྩེ་བ་ཆེན་པོ་ཁུ་དབོན་གྱི།།
ཐུགས་བཞེད་ཕུག་གྲུབ་མཐའ་ཇི་བཞིན་བསྟན།།
ཁོང་མ་རྟོགས་ལོག་རྟོགས་ཕྱིན་ཅི་ལོག།
ཕྱི་རྒོལ་ངན་མ་རུངས་ཆོས་བཞིན་བཏུལ།།
Journey to gTsang
དཔལ་ས་སྐྱའི་གདན་སར་ཕྱག་ཀྱང་བགྲོད།།
སྡེ་ཆེན་པོ་དེ་ཡི་གདུང་བརྒྱུད་དང༌།།
ཁོང་ལས་འཛིན་བླ་མ་མི་ཆེན་ཚོགས།།
ཁྲོམ་ལྷ་མིར་བཅས་པས་དཔག་ཚད་བར།།
སྟོན་མཆོད་སྤྲིན་བསུ་བའི་བཀོད་པ་ཕུལ།།
ཞབས་སྤྱི་བོར་བླངས་ནས་བཀའ་བཞིན་བསྒྲུབས།།
རྟེན་ཕྱི་ནང་གསང་གསུམ་སྤྱན་ལམ་ཕབ།།
གནས་དེ་ཡི་ལྷ་མི་ཐམས་ཅད་ལ།།
ཡར་དཀོན་མཆོག་མཆོད་པའི་སྤྲིན་ཕུང་དང༌།།
ཡུལ་གང་ལ་གང་བབ་ཟང་ཟིང་དང༌།།
ཆོས་བདུད་རྩི་ལྟ་བུའི་དགའ་སྟོན་བསྩལ།།
དཔལ་གུ་རུམ་བསེ་འབག་ནག་པོ་ལ།།
འཕྲལ་མཆོད་གཏོར་བསྐང་གསོའི་རྒྱུན་གྱིས་མཆོད།།
ཞལ་ཡང་ཡང་གཟིགས་ནས་ཆེད་དུ་བསྔགས།།
གནས་ཁའུ་སྐྱེས་ལྷས་འཇལ་བའི་ཚེ།།
ཆབ་ཁའུ་གཙང་པོས་བསུ་ཆང་ཕུལ།།
རྟེན་ངོ་མཚར་བསམ་མི་ཁྱབ་པ་བྱུང༌།།
མགོན་སྟོབས་འཕྲོག་ནག་པོ་དངོས་སུ་གཟིགས།།
བཀའ་ཇི་བཞིན་བསྒྲུབ་པའི་སྲོག་སྙིང་