[A:ཅ ༡༥ན]༄༅། །ཕྲིན་ལས་ལྷུན་གྲུབ་ནམ་རིན་དང།།
དཔལ་ལྡན་བཟང་པོ་དངོས་གྲུབ་རྣམ་གཉིས་དང། །
འཕྲུལ་ཆེན་ཡི་གེའི་སྦྱོར་བ་མཁས་རྣམས་དང།།
རྐོས་ཀྱི་རིག་བྱེད་རྩེར་སོན་དཔོན་མོ་ཆེ།།
མགོན་པོ་དཔལ་སོགས་དྲུག་ལྷག་བཅུ་ཕྲག་གཅིག།།
ཡོངས་སུ་ཚོགས་བྱས་ས་མོ་ཕག་གི་ལོའི།།
ཁྱད་དུས་ལང་ཚོཙོ་མངོན་པར་གསལ་བ་ན།།
པར་དུ་བསྒྲུབས་ཤིང་ཟབ་མོ་ནང་དོན་གྱི།།
རྩ་བའང་ཡི་གེའི་འབྱུང་ཁུངསབཟང་པོར་བྱས།།
དག་བྱེད་ཤེར་ཕྱིན་འབུམ་པའི་ཚིག་དོན་ལ།།
ལེགས་བྱང་དཔལ་ལྡན་རྒྱལ་མཚན་ཞེས་བྱ་དང།།
དེ་དང་མཚན་འཐུནམཐུན་གནས་བརྟན་འདུལ་བ་འཛིན།།
བཤེས་གཉེན་དམ་པ་ཟུང་གིས་ལེགས་བསྒྲུབས་ཏེ།།
ལས་བྱེད་སངས་རྒྱས་རྡོ་རྗེའི་དཔལ་སོགས་ཀྱིས།།
བགྲང་ཡས་ཡོངས་སུ་འཕེལ་བའི་གཏེར་སྒོ་ཕྱེ།།
འདི་ལས་རྣམ་པར་དཀར་བ་གང་ཐོབ་པ།།
དེ་ཡིས་འགྲེལ་བཤད་ལེགས་མཛད་མཚུངས་མེད་རྗེ།།
གང་དང་དེ་ཉིད་སྤེལ་བར་དགོངས་པ་ཡི།།
རྩེ་མོ་གཅིག་བྱུང་འགྲོ་བའི་གཙུག་རྒྱན་རྣམས།།
སྐུ་ཚེ་ཕྲིན་ལས་དར་ཞིང་རྒྱས་པ་དང།།
ཆོས་ཚུལ་འདི་ཡང་ཆེས་ཆེར་ལེགས་འཕེལ་ཏེ།།
ཟབ་ལམ་ཕྱག་རྒྱ་ཆེན་པོ་ལེགས་རྟོགས་ཤིང།།
གཞི་ལམ་འབྲས་བུའི་ལམ་གྱི་གནད་རྣམས་ཀུན།།
མ་ནོར་ཚུལ་བཞིན་སྒོམ་དང་བཤད་པ་དང།།
ཡིད་ལ་བྱེད་པས་མཐའ་དག་འགྲོ་བ་འདི།།
བླ་མེད་བྱང་ཆུབ་ཆེན་པོ་མངོན་གྱུར་ཤོག།།
ཕྱོགས་འདིར་འབད་བགྱིས་རིག་བྱེད་རྣམས་དང་བྱ་བ་བྱེད་པའི་མི་རྣམས་ཀྱང།།
མི་ཕམ་རྒྱལ་བས་རྗེས་སུ་བཟུང་ནས་རང་གི་སྙིང་པོ་ལེགས་མཐོང་གྱུར།།
ཡངས་པའི་ས་འདིར་འཁྲུག་ལོང་མེད་ཅིང་འགྲོ་རྣམས་གཙུག་ལག་རྣམ་གཉིས་ཀྱི།། ལེགས་པའི་ལམ་ལ་ངེས་པར་འཇུག་པས་རྣམ་པ་ཀུན་དུ་བདེ་ཐོབ་ཤོག།།
ཡེ་དྷརྨཱ་ཧེ་ཏུ་པྲ་བྷཱ་བཱ་ཧེ་ཏུནྟེཥཱན་ཏ་ཐཱ་ག་ཏོ་ཧྱ་བ་དཏ། ཏེ་ཥཱ་ཉྩ་ཡོ་ནི་རོ་དྷ་ཨེ་བཾ་པཱ་དཱི་མཧཱ་ཤྲ་མ་ཎཿ །།