[A:ཅ ༡༤བ]བསམ་ཤིང།།
འདོད་པ་ཅི་ཡང་འཇོ་བ་སྩལ།།
དཔལ་ལྡན་ངག་གི་དབང་པོ་ཡི།།
ཡེ་ཤེས་ཐུགས་ལ་འཕོས་པ་མཚུངས།།
གང་གི་ཞབས་སེན་འཕྲོག་བྱེད་དབང།།
ལྷར་བཅས་རལ་བའི་ནགས་གཟིམས་བ།།
བྱང་ཕྱོགས་གྲུབ་པའི་ཞིང་བཟང་པོ།།
ལྟག་ལུང་ཐང་ཞེས་གྲངས་ཡས་པ།།
གདན་ས་འདྲེན་པ་མཆོག་གི་ཀྱང།།
ཕུན་སུམ་ཚོགས་པའི་དངོས་པོ་ཀུན།།
བསོད་ནམས་བཞིན་དུ་ཅི་ཡང་སྦྱར།།
དངོས་པོ་ཀུན་གྱི་དེ་བཞིན་ཉིད།།
ལྷན་སྐྱེས་ཛཱ་ཏིའི་མེ་ཏོག་ཕྲེང།།
གང་ཐུགས་དཔྱིད་དུ་དཔལ་གྱུར་ཀྱང།།
རྒྱ་ཆེན་གཞལ་བྱའི་ཆོས་ཀུན་གྱི།།
ཐ་སྙད་རྣམ་པར་འཇོག་པ་ན།།
ཤིན་དུ་ཕྲ་དང་གཙང་བ་ཡི།།
རྣམ་བཞག་བུང་བའི་གླུ་དབྱངས་ཀྱིས།།
སྐལ་ལྡན་གདུལ་བྱའི་རྣ་བ་ལ།།
བཅུད་ལེན་སྦྱིན་མཁས་རྟག་པར་ཡང།།
བླ་མའི་སྲི་ཞུ་སྦྲང་རྩིའི་སྐྱོགས།།
འདེགས་ལ་ནམ་ཡང་ངལ་མིན་པ།།
དཔལ་ལྡན་ལོ་ཆེན་མཆོག་གི་བཀའི།།
རྗེས་འགྲོ་དད་པའི་ནགས་ཀླུང་ལས།།
པར་ཤིང་གླེགས་བུ་ཇི་སྙེད་པ།།
ཕྱོགས་ལས་རྣམ་རྒྱལ་མངའ་ཐང་ཅན།།
ལྷོ་རྒྱུད་དབང་པོའི་དཔལ་ལས་རྙེད།།
དེ་ནས་ཀུན་བཟངས་ནགས་འདབས་སུ་བྱུང།།
ལུགས་གཉིས་མདུན་ས་དཔལ་ལྡན་ཡངས་པ་ཅན།།
འཛིན་མའི་ཐིག་ལེར་འཆི་མེད་གནས་བཟངས་མཚུངས།།
མཁས་པའི་སྐྱེ་བོ་མང་པོས་བསྟེན་བྱ་བ།།
དཔལ་ལྡན་མངོན་པར་འདུ་བའི་ཕོ་བྲང་དེར།།
གང་གི་མཁྱེན་པའི་གོམ་པ་གཅིག་གིས་གཞུང་ལུགས་རྒྱ་མཚོའི་ཕ་མཐར་སོན།།
མ་ལུས་རྒྱུད་སྡེའི་དོན་ཟབ་བདུད་རྩི་བླ་མའི་དྲིན་གྱི་སྙིམ་པ་ཡིས།།
རྫོགས་པར་བཞེས་ལས་ཟབ་གསལ་གཉིས་མེད་བདེ་བ་མཆོག་གིས་ཐུགས་གང་ཞིང།།
རིག་པ་འཛིན་པའི་འཁོར་ལོས་བསྒྱུར་བ་དཀྱིལ་འཁོར་འཁོར་ལོའི་དབང་ཕྱུག་གཙོ།།
སྒྲུབ་བརྒྱུད་ཀུན་གྱི་བདག་པོའི་གཙོ་བོ་མཆོག།།
དཔལ་ལྡན་ངག་གི་དབང་ཕྱུག་གྲགས་པ་ནི།།
ཕྱོགས་རྣམས་ཀུན་ལས་རྣམ་པར་རྒྱལ་བའི་ལྷ།།
ཆོས་ཀྱི་རྒྱལ་པོ་ཆོས་ཀྱི་སྤྱན་སྔའི་བཀའ།།
ཡོངས་སུ་སྩལ་ལས་མཁོ་དགུའི་ཡོ་བྱད་ཀུན།།
མ་ཚང་མེད་པའི་དཔལ་མང་ཉེ་བར་ཐོབ།།
ཆོས་མིག་རྣམ་བྱེ་སྲིད་འདིའི་བྱ་བ་ལ།།
རྨོངས་བྲལ་བསམ་འགྲུབ་གྲགས་པའི་བརྩོན་པ་ཡིས།།
མཁོས་སུ་ཕེབས་པའི་བཀོད་པ་ལེགས་བསྒྲུབས་ནས།།
རྒྱལ་བའི་