[A:ca 14b]bsam shing//
'dod pa ci yang 'jo ba stsal//
dpal ldan ngag gi dbang po yi//
ye shes thugs la 'phos pa mtshungs//
gang gi zhabs sen 'phrog byed dbang//
lhar bcas ral ba'i nags gzims ba//
byang phyogs grub pa'i zhing bzang po//
ltag lung thang zhes grangs yas pa//
gdan sa 'dren pa mchog gi kyang//
phun sum tshogs pa'i dngos po kun//
bsod nams bzhin du ci yang sbyar//
dngos po kun gyi de bzhin nyid//
lhan skyes dzA ti'i me tog phreng//
gang thugs dpyid du dpal gyur kyang//
rgya chen gzhal bya'i chos kun gyi//
tha snyad rnam par 'jog pa na//
shin du phra dang gtsang ba yi//
rnam bzhag bung ba'i glu dbyangs kyis//
skal ldan gdul bya'i rna ba la//
bcud len sbyin mkhas rtag par yang//
bla ma'i sri zhu sbrang rtsi'i skyogs//
'degs la nam yang ngal min pa//
dpal ldan lo chen mchog gi bka'i//
rjes 'gro dad pa'i nags klung las//
par shing glegs bu ji snyed pa//
phyogs las rnam rgyal mnga' thang can//
lho rgyud dbang po'i dpal las rnyed//
de nas kun bzangs nags 'dabs su byung//
lugs gnyis mdun sa dpal ldan yangs pa can//
'dzin ma'i thig ler 'chi med gnas bzangs mtshungs//
mkhas pa'i skye bo mang pos bsten bya ba//
dpal ldan mngon par 'du ba'i pho brang der//
gang gi mkhyen pa'i gom pa gcig gis gzhung lugs rgya mtsho'i pha mthar son//
ma lus rgyud sde'i don zab bdud rtsi bla ma'i drin gyi snyim pa yis//
rdzogs par bzhes las zab gsal gnyis med bde ba mchog gis thugs gang zhing//
rig pa 'dzin pa'i 'khor los bsgyur ba dkyil 'khor 'khor lo'i dbang phyug gtso//
sgrub brgyud kun gyi bdag po'i gtso bo mchog//
dpal ldan ngag gi dbang phyug grags pa ni//
phyogs rnams kun las rnam par rgyal ba'i lha//
chos kyi rgyal po chos kyi spyan snga'i bka'//
yongs su stsal las mkho dgu'i yo byad kun//
ma tshang med pa'i dpal mang nye bar thob//
chos mig rnam bye srid 'di'i bya ba la//
rmongs bral bsam 'grub grags pa'i brtson pa yis//
mkhos su phebs pa'i bkod pa legs bsgrubs nas//
rgyal ba'i