R128: chos 'byung bstan pa'i padma rgyas pa'i nyin byed/ {bod yig glog rdul dpe cha/}

  • Pagination (Witness A): 306a
[A:306a]kyi dbang bum 'di'ang khong la phul zhig gsung / de bzhin rngog byang chub dpal grub pa/ rin chen bzang po/ don grub dpal bzang rnams kyis mdzad/ rje nA ro par bsngags pa'i gshis kyis thams cad kyis chos 'brel'grel gsan/ de nas rim pas gtsang phyogs phebs/ paN chen nags rin phyi res phebs nas bal por log pa'i lam rong byams chen nas khro phu'i bar phyag phyi mdzad/ 'grel pa skor gsum gyi bshad lung / sgra'i dogs gcod/ gzhan yang sde snod kyi dka' ba'i gnad la sgro 'dogs chod par byung nas/ ji snyed pa'i phyogs la paN chen nags rin sku drin che ba yin gsungs/ tshur lam ngor du chos rje kun dga' bzang po la bdag med lha mo bco lnga'i dbang gsan/ gzhan chos rje byams gling pa/ lcang lung pa gzhon nu blo gros/ 'gos gzhon nu dpal rnams la rgyud sde'i bshad srol du ma zhig gsan/ snamsgnammdar sngags grwa zhig 'dzugs pa'i gzhi bting / de'i 'chad nyan la snye thang chos rdzong dang / bkra shis sgang ba'i mkhan chen bsam gtan pa zer ba zhig bsko bzhed/ khong phyag phyir 'brangs pa la chos rje yid bzang rtse ba la dus 'khor/ skad gnyis shan sbyar gyi bshad pa zhib