[A:310a]bya ba/ gong dkar nas sde srid rin po che ma'i bkas rtsom dgos zhes bskul ba ltar/
phal cher gtam phyogs lhung gi rjes su 'brang bas zer tshad 'chad dka' la/ gzu bor gnas pa dag gis rnal mar brjod pa rnams phyogs gcig tu bya ba'i bar seng la bris pa las rdzogs pa lo ro'i rong / dron dbang sgyur du grub pa 'dis thams cad du bstan pa dang bstan 'dzin gyi skyes bu byon te/ srid zhu gong nas gong du 'phel bar gyur cig/ //sarba manggalaM// //rab dkar don brgyud gzhung lugs gangs ri'i spor/ /kun mkhyen bla ma mi yi sengge de'i/ /mtshungs bral theg mchog lta ba'i nga ro'i dbyangs/ /bka' 'bum khrigs su sdeb pa'i mu tig phreng / 1 /'ga' zhig bzhan dbang kha thor gyur pa'i rigs/ /lhag bsam 'bum ldan mdzod khri thabs mkhas mchog /bstan don gser gyi gnya' shing phrag par brgyan/ /'dzad med par gzhi'i 'khrul 'khor 'di bsgrubs dges/ 2 /pha ma 'brel thogs mkha' mnyam 'gro kun dang / /khyad par sku gshegs dpal ldan de nyid kyi/ /tshe rabs nyes pa'i phung po yongs gzhil te/ /sku bzhi'i dbang phyug da lar 'du bar smon/ /ces mi rje mchog nas bkas bskul ba ltar/ ngag gi dbang po bde ba'i rdo rjes so// //