[A:309a]pa legs par gsan zhing / slob dpon dus zhabs shAkya dbang phyug tu byas pa snye mo ru pa'i dge bshes sbyangs pa can zhig la rgyud dang tha snyad la gsan pa mdzad/ gzhan dge slong rin chen rnam rgyal pa la rgyal dbang rje nas brgyud sgrub bka'/ grub chen shAkya 'phel ba'i slob ma 'gro mgon chos skyabs pa las khrid dpe logs su ma lus pa'i phyag bzhes su lon pa dang / gzhan yang zhwa dmar nag sogs bla ma du ma la gsar rnying bka' gsum gyi gdam ngag ci'ang gsan/ ting nge 'dzin la rtsal 'byongs pas zhabs rjes phyag rjes/ bar snang la skyil krung 'cha'/ rdo rje dril bu bar snang la bzhag khro bo rdo rje shugs dngos su phebs/ lhag par ras chung zhabs kun gyis mthong bar zla ba gsum bya bral gyi zol gyis gdams pa gnang bar byon/ phyis yi ger btab pa bde mchog mai tri lugs kyi snyan rgyud yin/ su kha sidhis lung bstan bkra shis mthong smon btab pa sogs ngo mtshar bsam gyis mi khyab pa bstan te zhe lnga pa la mya ngan las 'das so/ /de'i slob ma la cig car rdor 'dzin bstan pa rgya mtsho/ bshad pa'i bka' 'dzin rdo rje gling pa yon tan ye shes rdo rje 'chang mngon sum pa de yin/ sgrub bka' 'dzin pa la su kha siddhis/ mi tra lo yi sprul pa yis/ /khyod kyi sgrub brgyud rgyas par byed/ /ces lung bstan pa'i rje btsun mi tra dzo ki'i sprul pa ni bdag cag la bka' drin chen po sbyin pa po kun spangs rin po che'am/ mtshan gzhan sgyu ma'i gar mkhan du grags pa de yin/ lo'i sprul pa ni/ dmar DA ki ras chen du grags pa khong yin par bka' stsal/ sku dngos kyi gdan sa gcung paNDYi ta bkra shis rnam rgyal lnga rig pa de'o/ /sras gnyis/ gzhan rje de la thug tsam yang gdam ngag gi gnad zin pas phyis gzhan gyi 'dren pa byed pa 'ba' zhig byung bas 'phrin las shin tu che/ de ltar dbon ras nas 'di'i bar du byon pa rjes 'brang dang bcas pa la gdan sa brgyud ces bya ste/ sgra bsgyur mar mi ras chung nas brgyud pa'i gdams pa kho na nyams su len cing lag len gyi 'phrang la brdar bas/ don brgyud gdams pa'i mnga' bdag 'brug pa zhes bstod ra bgyis so// // ! 'dir 'bad dge ba'i sprin dkar ni/ /srid pa'i mtha' mnyam 'phel 'gyur bas/ /thar pa'i shul ring bgrod rnams la/ /gdung sel mchog tu gyur cig gu /de ltar bstan pa spyi'i chos 'byung bstan pa'i padmo rgyas pa'i nyin byed ces