[A:308a]la sogs su lo dgu tsam bsgrub pa mdzad/ ngo mtshar ba zhal du mi gleng sbed/ phyag rgya chen po'i rtogs pa shar/ 'phrin las mkha' 'gro chos skyong gis sgrub/ ting nge 'dzin mthar phyin pas 'di ltar 'byung gsung ma 'ongs pa lung bstan pa thog tu mi bab pa med pa kun la mngon gyur/ mar pa lo tsA'i sprul pa'i skur thams cad du grags/ rten 'brel thabs la mkhas pas gdul bya 'brel tshad don dang ldan par mdzad/ bdun cu rtsa drug pa la gshegs so/ /
3rd 'Brug chen 'Jam dbyangs chos kyi grags pa
de'i sras kyi thu bo ni 'jam pa'i dbyangs chos kyi grags pa yin la/ de grwa pa'i thog ma/ phyi ma rang bdag yin/ bar du mi chen stag lung thang pa mched gsum/ bya bkra shis rnam rgyal sogs dang / paN chen 'bum phrag gsum pa bstan 'dzin nyi bzang / gser mdog can gyi mkhas pa 'bum ram pa/ mdar pa blo gros rgya mtsho/ rjes mdar ston sengge bzang por gsol ba/ nag po spyod pa'i sprul pa rin po che sgrol 'bum pa/ rig sngags 'chang chen po tshar chen/ dge ldan pa'i chab mdo chos rje sngags ram par grags pa/ gsang phu chos rje smon lam pa/ tshogs chen mkhan po nam mkha' bkra shis dang / dge 'dun sgang mkhan po rin chen bkra shis pa sogs bstan 'dzin sbyin bdag che dgus btud pa/ thog de la dbus gtsang du che bar grags so/ /ting ting rdor 'dzin pa sogs zhabs tog can/ thal ru rtogs ldan sogs grub thob tu grags pa/ rdo rje 'dzin pa chos kyi mgon po sogs mthu stobs can/ gzhan yang mang du byon/ sras gnyis kyi che ba ngag dbang bstan pa'i rgyal mtshan/ gcung ngag gi dbang phyug grags pa rgyal mtshan dpal bzang po/ phyi mas bdag cag rnams la bka' lung legs par stsal te/ dgung lo so brgyad la zhi bar gshegs/ /'jam pa'i dbyangs chos kyi grags pa ni/ yul lho rgyud/ yab gong ma bkra shis dar rgyas bya ba bod yul lho rgyud 'bangs mi khyim khri phrag gsum tsam la dbang sgyur ba de dang / yum thams cad mkhyen pa rdo rje gdan pa kun dga' rnam rgyal gyi lcam dkar mo gnyis kyi sras su 'khrungs/ dgung lo bcu gcig la rgyal dbang rje'i grwa rigs 'dzom pa rgyun du chos rgyal lhun po zhes pa'i pho brang du dge 'dun brgyad brgya tsam gyis lo gcig gi bar du rab tu byung bar gsol ba 'debs pa la bsdad/ de nas 'brug pa rin po che phebs/ gdams